Tun Europe Top 5 League atang club pakhat tana manager ni rei zual Top 5

Khawvel infiamnaah chuan football hi a sang ber mai awm e. Club neitute pawh an tang thei a, league football hmuhnawm tak tak entur a awm nual. Chutiang bawkin club tan an manager rawih ten result tha an hlawhchhuak theilo a nih chuan club neitu ten an manager ban an hreh hauh lo mai. Club neitu ten result tha tak hlawhchhuak turin manager an ruai thin a ni.

Mahse, Europe league lian 5 ah hian manager ni rei deuh deuh an la awm a, club pakhat tana manager hna chelh rei 5 te kan rawn tarlang ve leh dawn a ni.

5. Alvaro Cervera (Cadiz) – 5 years, 2 months

Kum 2001 atang Alvaro Cervera hian coach hna a chelh tan a, club hrang hrang 11 enkawl tawhin, Cadiz hi kum 2016 atang vawiin ni thleng a la enkawl, games 235 lai a khelh pui tawh a ni.

4. Jurgen Klopp (Liverpool) – 5 years, 9 months

SPort history-ah Liverpool boss Jurgen Klopp hi manager tha ber pakhat a ni, German coach Klopp’an club a enkawl tawh reng rengah che chhia tia sawi tur a nei vak lo. Tunah hian kum 54 a upa a ni tawh a, Kum 2015 October thla atang khan Liverpool hi a enkawl tan a, kum 30 hnuah a vawikhatna atan Premiere League nomawi a chawi pui a nih kha.

Hei mai a ni lo, 2019 UEFA Champions League nomawi pawh a chawi pui a ni.

3. Sean Dyche (Burnley) – 8 years, 8 months

Sean Dyche hi player anga football a khelh ve lai chuan club hrang hrangah a khel kual thin. Mahse, a role a hriatreng tlak chu Burnley Head coach a nihna hi a ni.

Burnley chuan kum 2012 October thla khan Dyche chu an head coach atan an ruat, Burnley chu Championship nomawi a chawipui a, Premiere League-ah alo kaisan pui fo tawh a ni.

2. Diego Simeone (Atletico Madrid) – 9 years, 6 months

Diegeo Simeone hi player ang zawng pawhin a hlawhtling thawkhat, mahse, player ang ai mahin managerial level-ah legeng a ni zawk. Kum 2011 December thla atang khan Atletico Madrid a enkawl tan a, hlawhtlinna hrang hrang a chan pui tawh a ni.

Simeone hian Atletico a enkawl hnuah, La LIga nomawi 2, Europa League 2, Copa del Rey 1 leh UEFA Super cup nomawi 2 a chawi tawh.

1. Christian Streich (SC Freiburg) – 9 years, 6 months

Christian Streich

Tuna club pakhat tana manager ni rei ber chu Christian Streich hi a ni. A tirah chuan Freiburg Under 19 team a enkawl hmasa a, a hnu kum 2011 December thla atang khan senior team head coach atan ruat a ni. Vawiin ni thlengin head coach ala ni. Freiburg chu level sang takah a thlen puia, hetihlai hian trophy erawh ala chawi pui thei rih lo.

Source 90Min

Related Posts

Leave a Reply

Your email address will not be published. Required fields are marked *

error: Content is protected !!