Transfer Window Deadline hma-a chhuak thut thei player 10 te

Cristiano Ronaldo chu Juventus chhuahsan tur anga sawi a ni a, hetilai hian Kylian Mbappe pawh Real Madrid lamah a insawn thut thei bawk. Tun summer transfer window hi kar leh lamah khian an khar dawn a, deadline day hmaa player chhuak thut thei dinhmuna ding player 10 te kan rawn tarlang ve leh dawn a ni.

Tun summer transfer window inhawn chhung hian footballer tha thenkhatte chuan an khelhna club an thlak der tawh a, mahse, tun thla chhung ngei hian thil mak dang a thlen leh ngei a rinawm.

Tottenham Hotspur chairman Daniel Levy hian a ngaihdan a thleng thut a nih chuan an striker Harry Kane hian Manchester City a zawm a rinawm. Anih loh pawhin Premiere League champion Man City hian Harry Kane lak luhna atan sum tam zawk an theh chhuak a nih ngat chuan Harry Kane hi City lamah kan hmuh ngei a rinawm a ni.

This image has an empty alt attribute; its file name is Harry%20Kane.jpg

England skipper hian Tottenham chhuahsan a duh tih chu a chiang a, chhuah a dil a nih kha, team tha zawk zawma trophy chawi ve ngei a duh niin media hrang hrang ten an tarlang.

Pep Guardiola pawhin kar hmasa lamah khan kum 28 a upa Harry Kane lak luh an duh thu alo sawi tawh a, a coaching staff ten Ronaldo lak luh theihna kawng dap ai chuan, Harry Kane lak luh chu an duh zawk niin a sawi bawk.

Ronaldo chungchang sawi ve leh ta ila, Portugal captain hi Bianconeri lamah a hlim lo tih chu a chiang a, amah la duhtu an awm a nih chuan club lam pawhin chhuahtir an tum reng niin an sawi.

Mbappe hi Paris Saint-Germain ah ala cham chhunzawm dawn niin a lang a, mahse, Paris lam hian an ngaihdan an thlak a nih chuan, an zuar thut thei bawk. Paris Saint-Germain a chhuahsan a nih chuan, Real Madrid hi a zawm ngei ang le.

Engpawhnise, a hnuaiah hian tun transfer window deadline day hmaa chhuak thut thut player 10 te kan rawn tarlang ve leh e.

Harry Kane (Tottenham Hotspur)

Matheus Cunha (Hertha Berlin)

Ruben Neves (Wolverhampton Wanderers)

Eduardo Camavinga (Stade Rennes)

Cristiano Ronaldo (Juventus)

Kylian Mbappe (Paris Saint-Germain)

Jesse Lingard (Manchester United)

Kieran Trippier (Atletico Madrid)

Saul Niguez (Atletico Madrid)

Bernardo Silva (Manchester City)

Source SL

Related Posts

Leave a Reply

Your email address will not be published. Required fields are marked *

error: Content is protected !!