Transfer Update: Ronaldo, Pogba, Camavinga leh Varane

Cristiano Ronaldo chuan Juventus a chhuahsan thut thei a, Paul Pogba pawh amah duhtu club nen inremna an siam tep tawh niin an sawi a, French player pahnih Eduardo Camavinga leh Raphael Varane hian Manchester United an zawm hnai niin sawi a awm bawk.

Engpawhnise, a hnuaiah hian transfer update hnuhnung ber kan rawn tarlang dawn a ni.

Cristiano Ronaldo

French publiction L’Equipe tarlan dan chuan Juventus lam chuan kum 36 a upa C Ronaldo chu Paris Saint-Germain hnenah swap deal atan an offer dawn niin an sawi a, Mauro Icardi nen inthleng pui an tum niin an sawi.

Mauro Icardi hi season dangah pawh Juventus nen sawi zawm alo ni thin tawh a ni. Mahse, C Ronaldo hi Juventus plan ah a awm rih niin an sawii a, Holiday a hman zawh hnuah a hma lam hun tur a ngaihtuah dawn chauh niin a lang.

Juventus ah hian kum khat daih contract ala nei mek a, a hlawh pawh a tam hke, midang zawng aiin a let thum lai maiin a hlawh hnem zawk a ni.

Paul Pogba

Canal+ in a tarlan dan chuan Paul Pogba leh Paris Saint Germain hi sawi zawm anni a, inremna an siam tep tawh niin a tarlang.

An sawi zel danah Pogba’an PSG a zawm thei a nih chuan an player hlawh hnem ber pathumna a ni thei dawn a, Neymar leh Kylian Mbappe chaih hi a aia hlawh hnem a ni dawn tihna a nih chu.

Tunah hian Man Utd ah kumkhat daih contract ala nei a, Tun summer transfer window ah hralh chhuah ngei ngei an duh a rinawm, a chhan chu 2022 ah free agent in an chan thei dawn tlat.

Eduardo Camavinga

He teenager hi Europe club duh ber te zingah a tel. Amah duhtu zingah hian Manchester United pawh an lang.

Tun hnai interview naah Stade Rennais president Nicolas Holveck chuan Camavinga hralh chhuah theih a nih thu a sawi.

Premiere League club lian Manchester United chuan an la lut hnai niin report in a tarlang.

Raphael Varane

Transfer Expert Fabrizio Romano sawi dan chuan Varane hian Premiere League lama insawn a duh thu Real Madrid a hrilh niin a sawi.

Amah duhtu zinga langsar tak pakhat chu Manchester United anni a, tun summer ah lak luh ngei an tum dawn niin report in an tarlang.

Source Sl

Related Posts

Leave a Reply

Your email address will not be published. Required fields are marked *

error: Content is protected !!