Transfer Update: Messi, Griezmann, Pogba leh Varane

Kan hriat angin Tun summer transfer pawh kalpui zel a ni a, tuntumah hian free agent Lionel Messi, Barcelona forward Antoine Griezman, Manchester United superstar Paul Pogba leh Real Madrid defender Raphael Varane te transfer update kan rawn tarlang ve leh dawn a ni.

FC Barcelona superstar Lionel Messi contract dinhmun

Hriat angin thla hmasa zawh rual khan kum 34 a upa Lionel Messi’an Barca-a contract a neih pawh a zo ve a, tunah hian contract nei lovin hun a hmang mek. Barcelona lamin Lionel Messi duhna te an tih hlawhtlin sak theih chuan kum 2 dang contract a sign belh leh a rinawm.

Tun hnaia interview naah Barca president Joan Laporta chuan Leo Messi contract chungchang sawiin engkim a kal tluang e tiin a sawi a, mahse, Spain a reports thenkhatin an tarlan dan chuan, Barcelona hi sum lamah harsatna an tawk niin an tarlang a, hei vang hian Messi contract chungchangah thil a awlsam vak dawn lo niin an tarlang bawk.

La Liga club lian Real Madrid hian tun summer transfer-ah an player panga lai mai chu a nghetin an chhuahtir tawh a, player dang pawh chhuak zel tura ngaih anni. Tunah rih chuan Barcelona lam hian Messi hlawh tur ang an la pek theih loh avangin sum an tuak mek niin an sawi.

Barcelona lama Antoine Griezmann hmalam hun hi Messi-ah a innghat em ni?

Europe-a report hrang hrangin an tarlan dan chua, Barca hian 2018 FIFA World Cup winner hi tun transfer window-ah hian hralh chhuah an tum niin an sawi. Lionel Messi contract thar tur atan sum tuak nan an hmang dawn niin an sawi bawk. Griezmann hian kum 2019 khan Atletico Madrid atangin Catalan club lian hi a zawm a, kha tih laia a man chu €125 million lai a ni. Mahse, Camp Nou lamah duh ang leh beisei angin a che tha lo. Tunah hian Premiere League club Chelsea leh Manchester City nena sawi zawm mek a ni.

Paris Saint-Germain lamin Paul Pogba an ngaihven reng?

French publication RMC Sport in a tarlan dan chuan kum 28 a upa midfielder hi Paris Saint-Germain lamin lak luh an duh niin a tarlang. An sawi zel danah PSG lam hian Pogba agent pawh an be tawh niin an sawi. Pogba pawhin tun transfer window-ah hian PSG zawm a pawi tilo niin an sawi bawk. England lama a contract neih hi June 2022 khian a zo ve dawn a ni.

Manchester United lamah Varane?

Kar hmasa lam atang khan French defender hi Man United lama lut tur angin sawi a tam hle. Kum 28 a upa Varane hian chona thar hmachhawn a duh niin an sawi. Real Madrid lam hian Varane hi la duh rih viau mahse, summer transfer lo awm leh turah khi chuan free agent in an chan thei dawn a, hei vang hian Red Devils atang offer an hmu a nih chuan chhuahtir mai pawh an pawitilo niin a lang.

Source SL

Related Posts

Leave a Reply

Your email address will not be published. Required fields are marked *

error: Content is protected !!