Transfer Update: Mbappe, C Ronaldo, Grealish leh Pogba

Tun tumah hian Real Madrid nena sawi zawm Kylian Mbappe, Juventus Superstar C Ronaldo, Manchester City nena sawi zawm Jack Grealish leh Manchester United midfielder Paul Pogba te hmalam hun tur update thenkhatte kan rawn tarlang ve leh dawn a ni. Kan hriat angin tun thla chhung Transfer Window a la inhawng dawn a ni.

Kylian Mbappe

Kylian Mbappe (Paris Saint-Germain)

AS in an tarlan dan chuan Real Madrid in season thar atan kum 22 a upa Kylian Mbappe hi an la lut hnai niin an tarlang. Mbappe hian Paris Saint Germain lamah contract thar a sing dawn lo niin an sawi bawk.

Mbappe hian nakum thleng chiah PSG ah hian contract nei tawh a, UEFA Champions League nomawi vawi 13 lai chawi tawhtu Real Madrid lama insawn chu a duh hle niin an sawi. Spanish club lian Real Madrid pawhin Kylian Mbappe an lak luh theihna turin tun transfer window ah an player thenkhatte an hralhchhuak a ngai ve dawn bawk.

Cristiano Ronaldo

Cristiano Ronaldo (Juventus)

Goal in an sawi dan chuan Cristiano Ronaldo hian tun transfer window ah Paris Saint Germain a zawm thut thei niin an sawi a, Mauro Icardi nen Swap deal hmanga inthleng an tum niin an sawi. Mahse, Argentina star Icardi hian club danga kal chu a duh lem lo. Juventus lam hian Icardi hian club tana khel turin an duh.

PAris Sainte Germain hian season thar atan Achraf Hakimi, Gianluigi Buffon, Georginio Wijnaldum leh Sergio Ramos te an la lut tawh a, C Ronaldo erawh tuna a khelhna club Juventus ah la awm rih a tum niin an sawi.

Jack Grealish

Jack Grealish (Aston Villa)Jack Grealish (Aston Villa)

ESPN in an tarlan dan chuan Manchester City lamin Jack Grealish chu an lak luh theih ngei an ring a, an inringtawk thawkhat tawh niin an tarlang. Tunah hian Man City nena sawi zawm Harry Kane hmalam hun hi ala chiang tak tak thei rih lova, Harry Kane hmalam hun a chian hunah City hian an lak luh nghal a rinawm.

Paul Pogba

Paul Pogba (Manchester United)

Manchester United midfielder Paul Pogba pawh club chhuahsan tum anga sawi nimahse, Red Devils lamah hunrei tak awm a tum niin Sky Sports chuan an tarlang.

Source SL

Related Posts

Leave a Reply

Your email address will not be published. Required fields are marked *

error: Content is protected !!