Tottenham a chhuahsan hnuah Mourinho a tawng chhuak, Trophies 25 leh a chanve ka chawi!

Roma manager thar Jose Mourinho chuan Tottenham Hotspur a chhuahsan hnuah a vawikhatna atan a tawngchhuak. Kan hriat angin Manchester City leh Tottenham Hotspur in Carabao Cup final an khelh hma khan a chhuak a nih kha.

Portuguese manager Mourinho chuan April thla khan Lilywhites boss atangin chhuahtir a ni. Kha tih lai khan Man City nen Carabao Cup final an khelh hma niin, final khelhna tur khan kar khat chiah hun a awm tawh.

Hetia Mourinho an ban ta thut chu, Tottenham chairman Daniel Levy rawtna siamin mi tamtak a barakhaih hle a, kum 2019 khan trophies chawi thei turin Spur chuan Mauricio Pochettino thlaktu tur atan an la lut a ni.

Chelsea leh Manchester United boss hlui Mourinho chuan Trophy chawi theihna huntha an bawhpelh a ni tiin a sawi a, a career-ah trophy 25 leh a chanve a chawi tawh thu a sawi.

“Ka pro leh pro loh inhriat duh chuan, i career-ah trophy engzat nge i chawi tawh tiin min zawt thei ang, chuan trophy 25 leh a chanve ka chawi tawh tiin ka sawi ang. A chanve ka sawina chhan chu, Tottenham Hotspur ka enkawl lai khan final ka khelh pui lo.” tiin Jose Mourinho chuan interview naah THE SUN a hrilh.

“Tu emaw hnenah tunge final khel tam ber tiin han zawt ta ula, final khelh chu dream mai a ni, chu chu a pawimawh ber lo, a vawikhatna, vawi 20 emaw vawi 50 pawh a ni thei, final hi chu englai pawhin dream a ni.”

“Wembley-a final ngat phei chu dream piah lam a ni, Wembley ah final thar vawi khat ka khel a, englai pawhin ka kal reng thin. Dream piah lam a ni. Club nena trophy chawi theihna chance tha a ni, mahse, a thleng lo. Thleng chu ni ta se, dream double a ni mai.”

“Kei hi club tana trophy chawi teuh ber chu ka ni mai lo maw, trophy 25 leh a chanve ka ka chawi tawh tiin fiamthu in ka sawi a, final ka khelh pui loh vang kha a ni, khel ta ila hnehna chang angah ka inngai.” tiin Jose Mourinho chuan a sawi bawk.

Carabao Cup final-ah khan Manchester City chuan Tottenham chu 1-0 in an hneh a, goal awmchhun thuntu hi Aymeric Laporte niin minute 82 naah goal a khung.

Source SL

Related Posts

Leave a Reply

Your email address will not be published. Required fields are marked *

error: Content is protected !!