Thierry Henry’an 2021 Ballon d’Or dawngtu tur hming a sawi chu a thlak leh

2021 Ballon d’Or sem hun tur kan hnaih chho zel a, Player leh fans te pawh an tang hlawm hle.

Footballer mimal chawimawina sang ber anga an sawi thin kumin Ballon d’Or hi kum dang ang lo takin rinlawk harsa tak a ni. Kum dangah chuan Lionel Messi leh Cristiano Ronaldo hi an hrang nalh zel.

Kuminah pawh hian dawng tura rinkai an awm nuk, Chelsea midfielder Jorginho, Bayern Munich forward Robert Lewandowski, Real Madrid forward Karim Benzema leh Messi te hi langsar deuh te chu anni.

Thierry Henry chuan Lional Messi’an Copa America nomawi a chawi tak avang khan, mi zawng zawng aia sangah a awm niin a ring.

“Englai pawha ka sawi chu French pa hian a dawng ang tih hi a ni, mahse ka tan bik vang pawh a ni mahna, Benzema’an Ballon d’Or a dawn hi ka duh tak zet. Mahse, a tak takah chuan Messi hian a dawng ang, a chhan chu atawp atawpah a ram Argentina tan Copa America nomawi a chawi pui tlat” tiin Benzema chu dawng tura a duh ni mahse, Messi’an a dawn a rin leh zawk thu a sawi.

Kum 2003 Ballon d’Or ah khan Thierry Henry hian a dawng teuh hle, Runner up a nia, chutiang bawkin 2006 ah pawh khan pathumna a ni. Tun hnai lawk khan a ram pui N’Golo Kante leh Karim Benzema pawhin an dawn theih a beisei.

“N’Golo Kante leg Karim Benzema hi an dawn theih ngei ka beisei. 2020 Ballon d’Or kha cancel lo se chuan Robert Lewandowski hian a dawng ngei ang. Jorginho pawh dawng tur zingah kan sawi thei ang, Champions League leh Euro 2020 nomawi a chawi. A hun tawp lama Copa America nomawi chawi Lionel Messi pawh a awm” tiin Henry chuan a sawi.

Source Sk

Related Posts

Leave a Reply

Your email address will not be published. Required fields are marked *

error: Content is protected !!