Solskjaer chungah player 8 te an lungawi lo?

Kan hriat angin tun season khelh mekah Manchester United hi an che tha lo em em a, Man Utd player 8 lai mai te chu Ole Gunnar Solskjaer chungah an lungawilo hle niin report hrang hrangin an tarlang.

Hetihlai hian tun season khelh mekah hian thla 4 vel chiah football la khelh rih a ni a, Red Devils manager Ole Solkjaer chungah first team player thenkhatte an thinur deuh niin a lang.

Ajax Amsterdam midfielder hlui Donny van de Beek pawh hi Ole Solkjaer chunga lungawilo zingah a tel a, Solkjaer’an a hmu ve tawh. Donny van de Beek hi Old Trafford lamah season bul a tan tha lo hle a, khelhna hun pawh a chang tlem hle.

Kum 24 a upa Van de Beek hian tun season Premiere League khelh mekah minute 16 chiah ala khel thei rih a. Tunah chuan January transfer window inhawn hunah chhuah lam a rilru deuh tawh niin an sawi.

England international Jesse Lingard hi pre-season lai vel kha chuan Solkjaer hian game tamtak a khelh tur thuin alo tiam tawh a nih kha. Mahse, Lingard hian league goal 2 a khung tawh a, Premiere League match bikah minute 63 chauh ala khel rih.

Season hmasaah khan West Ham United lamah thla 6 chhung vel loan in hun a hmang a, match 16 a inlan atangin goal 9 a khung. Hei vang hian Man utd lamah a chet that chhunzawm a rinawm hle nain, khelhna hun a chang tam lo mah mah.

Ivory coast defender Eric Bailly leh Brazil left bak Alex Telles te pawh hi Solskjaer hnuaiah an tal buai ve deuh niin a lang. A bik takin thla 2 liamta vel atang khan United hi an che chhe em em a, heng player te hi hman ve awm tak a ni.

Ivory Coast defender Eric Bailly and Brazil left-back Alex Telles are also said to be annoyed with life under Solskjaer, who has come under heavy scrutiny amid his side’s struggling form over the past two months.

This image has an empty alt attribute; its file name is Eric%20Bailly.jpg

Tunah hian Manchester United in Coach thar an melh mek niin report hrang hrangin an tarlang, Zinedine Zidane, Brendan Rodgers leh Erik Ten Hag te chu an langsar hle. Thenkhatte sawi dan chuan United board lamin Solskjaer hi tun season tawp thleng hun an pe dawn niin an saqwi ve bawk.

A hnuaiah hian Ole chunga lungawilo player 8 te kan rawn tarlang e.

Dean Henderson – Tun season khelh mekah League match ala khel lo.

Diogo Dalot – Tun season khelh mekah League match minutes 83 chiah ala khel

Anthony Martial – Tun season khelh mekah League match 156 chiah ala khel.

Juan Mata – Tun season khelh mekah league match a la khel lo.

Donny van de Beek – Tun season khelh mekah League match minute 16 chiah ala khel

Alex Tellas – Tun season khelh mekah league match minute 17 chiah ala khel

Eric Bailly – Tun season khelh mekah league match minute 45 chiah a khel

Jesse Lingard – Tun season khelh mekah league match minute 63 chiah ala khel.

Source SL

Related Posts

Leave a Reply

Your email address will not be published. Required fields are marked *

error: Content is protected !!