Sevilla in an player hlui Ramos hnenah kum 5 daih contract an zawrh

Real Madrid skipper Sergio Ramos’an Santiago Bernabeu lama contract a neih hi June ni 30 khian a zo ve dawn a, amah duhtu zingah Paris Saint-Germain leh Manchester United an langsar hle.

Mahse, nizan khan Spanish chanchinbu pakhat El Primero Palo chuan kum 35 a upa Sergio Ramos chungchang sawiin, a club hlui Sevilla lamin an duh niin an sawi.

An sawi danah Sevilla hian an player hlui Sergio Ramos hi kum 5 chhung atan lak luh an duh niin an sawi a, an la lut thei a nih chuan a club hlui Sevilla atang ngei hian football a chawlhsan a rinawm.

ENTRENAMIENTO SEVILLAFC SERGIO RAMOS CON DARIO SILVA – 20041213

Sevilla lamah hian a hlawh a tam vak dawn lo niin al ang, Sevilla lam chuan kum khatah €7 million chauh hlawh pek an tum a ni.

Sevilla lama Ramos a awm lai khan first team tan season 2 chhung a khel ve hman a ni. Kum 2005 khan Real Madrid chuan €27 million in an la lut a, Real Madrid player ropui ber pawl pakhat-ah a inchhuah.

Real Madrid a pan hnu hian football history-a defender hlawhtling ber pawl anga sawi a ni a, Real Madrid-ah hian season 16 lai mai hun hmang tawhin, match 671 lai mai Real Madrid tan a khel tawh a ni. Trophy pawh a chawi pui hnem hle a, trophies 22 lai a chawi pui. Hetah hian La Liga title 5 leh Champions League nomawi 4 a tel a ni.

Tunah hian Real Madrid leh Romos in contract pawhsei chungchangah inremna an la siam lova. AS sawi dan chuan Real Madrid-ah hunrei tak awm turin contract a pawtsei dawn niin a sawi.

Sergio Ramos hian a chawrchhuahna club Sevilla hi a pan mai lovang maw, a pan an nih ngat chuan a huntawp thleng a hman a rinawm.

Source SB

Related Posts

Leave a Reply

Your email address will not be published. Required fields are marked *

error: Content is protected !!