Sergio Ramos’an Captain Armband a hreng emaw a ti hman?

Football fans ten Paris Saint-Germain player lak luh thar Sergio Ramos chuan kit thar a hak laiin, captain armband a hreng emaw ati hman niin an ngai.

Kum 35 a upa Sergio Ramos chuan kum 2015 leh 2021 inkarah Real Madrid tan a zawnin UEFA Champions League nomawi vawi 3 lai mai a chawi pui hman a nih kha.

Social Media video pakhatah Sergio Ramos chuan Season thara Paris Saint-Germain kit thar tur hain a shoot pui a, hetia an shoot lai vel hian Sergio Ramos chuan a ban vei lam khawihin, armband awm ang tak mai hian a ti kual vel.

A mawh love, Sergio Ramos hi Real Madrid history-ah captain hlawhtling ber pakhat a ni, Ligue nomawi 2 a chawi pui mai bakah European-ah pawh hlawhtlinna tamtak a chan pui bawk a ni.

Kum 2005 khan Sevilla atang Real Madrid hi a zawm a, Real Madrid leader ani hma hle, mahse, kum 2015 hnu atang chiahin Iker Casillas hnen atan Armband a hmu thei chauh.

Fans thenkhatte chuan social media lama video an comment a, pakhat phei chuan, “Hei hian a ti na” tiin a comment.

Pakhat dang leh chuan ti hian a ziak, “Tunge an captain ni ta? Captain a ni nghel em ni? tiin a ziak ve bawk.

Kan hriat angin Ramos’an Real Madrid lama a contract neih a hmang zova, July thla tir khan Paris Saint-Germain a zawm chauh a nih kha.

Tuna Paris Saint-Germain captain ni lai mek chu a defender pui kum 27 a upa Marquinhos a ni. Chelsea star Thiago Silve’an PSG a chhuahsan hnu atanga captain armband hreng ve chauh a ni.

Mahse, Marguinhos hian hliam emaw thil dang avanga a khelh theih loh chuan Sergio Ramos hi captain tura rinkai ber pakhat a ni mek.

Source The Sun Football

Related Posts

Leave a Reply

Your email address will not be published. Required fields are marked *

error: Content is protected !!