Sergio Aguero’an Football chawlhsan dawn?

FC Barcelona foward Sergio Aguero chu thla 3 chhung football a khel thei dawn lo tih an confirm tawh a, Medical professional te chuan hospital lamah a taksa pum check turin an ti a, a result a that vak loh avangin thla 3 chhung a chawlh a ngai dawn a ni.

Sergio Aguero hian football a chawlhsan thu puan a tum tawh niin report in a tarlang. Lung lama harsatna (heart problem) a neih vangin kum 33 a upa chuah la ni mahse, Aguero hian football a chawlhsan hnai niin an sawi.

Manchester City tana goal khung tam ber record neitu Sergio Aguero hian season hmasa a zawh khan kum 2 chhung atan Barcelona a zawm a ni.

Mahse, Aguero hian Barcelona tan match 4 chiah ala khel rih a, medical professional te chuan hunrei tak chawl turin thurawn an pe a ni.

Tuna a lan dan chuan Sergio Aguero hian football chawlhsan tak tak a tum deuh tawh a niang, social media lamah pawh chhiar theihin a post, “Thuthang tamtak awm a, club doctors ten thurawn min pek angin test hrang hrang ka nei a, treatment ka la bawk, ni 90 chhung ka dinhmun an enfiah ang, that lam ka pan ve zel e.” tiin a post a ni.

Kan hriat angin Barcelona leh Alves te 1-1 an indraw tum khan Aguero chu inkhelh laiin a awm a na a, a thawklam a harsat avangin hospital panpui nghal a ni.

Spanish outlet SPORT tarlan dan chuan, Sergio Aguero hian ‘cardiac arrhytmia’ emaw irregular heartbeat an tih ang chi a neih thu an tarlang.

Check an neih hnuah Aguero leh Journalist Gerard Romero chuan result avangin football chawlhsan a ngai maithei niin an sawi.

Argentina lama a team mates te chuan World Cup qualifier match Brazil nen an khelh tum khan an tuar pui zia an lan tir a ni.

Lionel Messi leh a teammate te chuan inkhel tan hmain banner an pho chhuak a, tah chuan, “We are all with you Kun” tih a inziak a ni.

A hriselna a that vak loh avangin kum 33 mi Aguero chu football chawlhsan thut thei dinhmunah a ding mek.

Source Mirror

Related Posts

Leave a Reply

Your email address will not be published. Required fields are marked *

error: Content is protected !!