Sawiselna hnuaia awm Harry Kane a tawng chhuak

Tottenham Hotspur star Harry Kane chuan, 2020 UEFA European Championship, England tana a chet dan sawiseltu te a kap let ve.

Kan hriat angin The Three Lions captain Harry Kane hi Euro 2020 group stage lama a chet dan avangin sawiselna hrang hrang a tawk a, mahse, 2-0 a Germany an hneh tumah kha chuan a vawikhatna atan EUro 2020 goal khatna a khung a ni.

Mi thenkhat chuan Tottenham Hotspur captain hi England starting XI atanga drop turin an duh hlawm a, mahse, Harry Kane hian starting XI-a a awm chhan a sawi.

“Chhan a awm avangin pitch-ah football ka khel ani, pawn lam atang mipui, fans, pundits leh media hrang hrang ten ngaihdan an nei ve theuh.” tiin Harry Kane chuan England official Youtube channel a hrilh.

“Mahse, hetah ka awm, ka ti bawk ang, kei hi theihna za ah za (100 percent) ka nei tih hrechiang bertu ka ni. Heta awm tur hian ka thawkrim hle.”

“A chhan leh vang hlui deuh deuh awm vangin field chhung atangin paih chhuah ka ni lovang, ka nun hi thawrimna hlirin a khat. Heta awm tur hian ka impumpek a ni.” tiin Harry Kane chuan sawi.

Source SL

Related Posts

Leave a Reply

Your email address will not be published. Required fields are marked *

error: Content is protected !!