Ronaldo’an La Liga a chhuahsan ai daih khan, Messi chhuak khan min tina zawk – La Liga President

La Liga president leh Real Madrid fan ruhkawl tak mai Javier Tebas chuan Cristiano Ronaldo chan aiin Lionel Messi chan avanga a nat zawt thu a sawi.

Kan hriat angin Lionel Messi hi kum 21 chhung teh meuh mai FC Barcelona-ah hun a hmang hman a, season tawp ruala a contract neih a hman zawh khan, club lam chuan sum lama harsatna an tawh avangin an sign theilo a ni.

Kum 2018 khan C Ronaldo chuan Real Madrid chhuahsanin Juventus a pan a, tunah hian Lionel Messi pawh Spanish club inelna league sang ber-ah a awm tawh lo. Mahse, League president Javier Tebas chuan he thil hi engtikniah emaw chuan ala thleng ngei dawn niin alo ring lawk tawh a ni.

“Cristiano Ronaldo, Pep Guardiola emaw Jose Mourinho ten La Liga an chhuahsan ang tho khan. Engtikniah emaw he thil hi a thleng ngei dawn tih chu kan hria” tiin La Liga president Javier Tebas chuan Sport a hrilh.

“Khawvel player ropui ber pahnih leh khawvel team tha ber pahnih kan nei thei hi vanneihna ropui tak a ni.”

“A nihna takah chuan Leo Messi’an La Liga a chhuahsan hi a rilru natthlak deuh zawk. A chhan chu football history a player tha ka tih ber a ni a, hetiang maia chhuah hi a phu hlawl lo. Barcelona tan chauh ni lovin, La Liga tan pawh.”

Javier Tebas hian FC Barcelona president Joan Laporte pawh Messi la awm tir rih tur chungchangah a bia niin a sawi.

“Barcelona president Joan nen Messi chungchangah kan inbia a, amah mai bakah board of directors thenkhatte pawh ka be bawk. An harsatna chu economic vang a ni a, chhan dang vang ni ta se, ka pawmpui lovang.” tiin a sawi bawk.

Source Sl

Related Posts

Leave a Reply

Your email address will not be published. Required fields are marked *

error: Content is protected !!