Ronaldo’an Jersey pek min tiam mahse, penalty a pet goal loh vangin min pe duh lo

Serie A goalkeeper hlui Stefano Sorrentino chuan Cristiano Ronaldo’an jersey a pek duh loh chhan sawiin, League match an khelhah a penalty pet a save sak vang niin a sawi.

Chievo goalkeeper hlui Stefano Sorrentino chuan Portuga captain in kum 2019 khan Serie A match khelh zawhah jersey pek a intiam niin a sawi.

Kha tihlai khan Juventus lamin 3-0 in hnehna an chang a, mahse, C Ronaldo erawh scoresheet-ah a lang lo, minute 52 ah penalty chu pet ve ngei mahse, Sorrentino chuan alo save sak a ni.

“Kan jersey inthleng turin kan inrem a, mahse, penalty a pet goal loh hnu khan a thinrim hle.” tiin kum 42 a upa Stefano Sorrentino chuan Sky Sport a hril a ni.

“Italy-ah hetiang thil hi a chungah ala thleng ngailo.”

“Changing room tunnel-ah kan inhmu a, min chibai a, chuan min lawmpui bawk. Mahse, a hmel erawh a hlim lo hle tih a hriat, a jersey pawh min pe lo a ni.” tiin a sawi.

Italy amah C Ronaldo hi season 3 chhung teh meuh mai hun a hmang hman a, Serie A tites 2, Coppa Italia leh Golden Boot pakhat a dawng a ni.

Tunah hian kum 36 a upa Cristiano Ronaldo hi Manchester United lamah lut leh tawhin, Premiere League lamah a hmel kan hmu tawh ang. Old Trafford-ah hian season 6 chhung kum 2003 atang 3009 thleng khan hun alo hmang ve a ni.

Source SL

Related Posts

Leave a Reply

Your email address will not be published. Required fields are marked *

error: Content is protected !!