Ronaldinho’an Messi leh Ramos thu a thawn

Paris Saint-Germain leh FC Barcelona star hlui Ronaldinho chuan PSG player thar pahnih Leo Messi leh Sergio Ramos te thu a thawn.

Kan hriat angin Sergio Ramos leh Lionel Messi chuan Real Madrid leh Barcelona an chhuahsan ve ve hnuah French khawpui club Paris Saint-Germain zawm an thlang a nih kha.

Hetia club legend pahnih Messi leh Ramos’an PSG an zawm ta hi Ronaldinho pawh alo phur ve hle tih a hriat, PSG chuan trophy tamtak an chawi thei tawh ang tiin a sawi.

“Club pahnih Real Madrid leh Barcelona player he club tana an khel tur chu a ropui dangdai hle, tunah chuan ka thianin he club jersey a ha tawh dawn a, Leo Messi tan hian lawmna nasa tak ani thei maithei. Ka partner Sergio Ramos pawh ka lawmpui hle, tunah chuan Champions rim a nam rum rum tawh mai.” tiin Ronaldinho chuan Twitter lamah a tweet.

Sergio Ramos leh Lionel Messi hian PSG tan an game hmasa ber tu an la khel rih lo ve ve a, Sergio Ramos hi a hliam neih te dam lam a pan mek a, hetihlai hian Lione Messi erawh tunhnai lawk khan an la lut chauh a, hei mai bakah Copa America zawha holiday ala hmang zo bik lo.

An khelh hun tur a nghahhlel awm hle.

Source SL

Related Posts

Leave a Reply

Your email address will not be published. Required fields are marked *

error: Content is protected !!