Romelu Lukaku – ‘C Ronado nen min tehkhin suh u’

Chelsea striker thar Romelu Lukaku chuan Cristiano Ronaldo nen khaikhin nih a duh loh thu a sawi a, Ronaldo chu a tluk phak loh thu leh, football history-a player tha ber pathum zinga pakhat a nih thu a sawi bawk.

Manchester United forward thar kum 36 mi Ronaldo hian kar liamta khan Portugal tana a goal 110-na leh 111-na Republic of Ireland lakah a thun a, kum 28 mi Lukaku hian Belgium tan goal 66 khung ve tawhin, Ronaldo a umphak theih a rinawm leh rinawm loh hi chanchinbu mite ti ti tui tak a ni.

Lukaku hi tunah hian Belgium tan World Cup Qualifiers khelin a feh chhuak mek a, press conferenceah Ronaldo a umphak theih a rin leh rin loh zawhna chhangin, “Cristiano Ronaldo nen hian vawi khat mah min khaikhin suh u.

“Cristiano Ronaldo hi ka ngaihdan chuan football history-a player ropui ber pathum zinga pakhat a ni a, pakhatna a ni nge, pahnihna a ni nge pathum a ni tih lam sawi ka tum lo. Football-a a hlawhtlin tawhna hi a turu em em a ni.

“Italy-ah a mah ka hmachhawn thei ringawt pawh kha vannei ka inti a, tunah Premier League-ah a rawn kir a English football tan chuan chanchin lawmawm a ni. A bak zawngah chuan statistics tih vel khaikhin hi awmzia a awm lo a ni,” a ti.

Source SL

Related Posts

Leave a Reply

Your email address will not be published. Required fields are marked *

error: Content is protected !!