Rio Ferdinand’an tunlai football khawvela centre back tha a tih 3 hming a sawi a, Ruben Dias a telh loh chhan a sawi bawk

Manchester United defender hlui Rio Ferdinand chuan tunlai football khawvela centre back tha a tih 3 hming sawiin, Man City centre back Ruben Dias erawh a sawi tel lova, Tun summer transfer-a Man Utd ina an lak luh thar Raphael Varane erawh top 3 zingah a telh a ni.

Kan hriat angin tun summer transfer-ah khan Manchester United chuan Real Madrid atangin kum 28 a upa Raphael Varane chu an la lut a, a man hi £42 million vel niin an tarlang.

French defender Varane hian Real Madrid tan trophy a chawi hnem hle a, Paris Saint-Germain star Sergio Ramos nen an inkawp fuh ang reng.

Man United boss Ole Gunnar Solskjaer chuan UEFA Champions League nomawi vawi 4 lai lo chawi tawhtu Varane leh Harry Maguire hi an inkawp fuh thei a ring a, hlawhtling taka an chet a ring bawk.

Man Utd legend Rio Ferdinand pawhin 2018 FIFA World Cup winner Raphael Varane hi a fak hle a, khawvel defender tha ber pakhat a nih thu sawiin, Sergio Ramos leh Virgil van Dijk te nen huang khatah a awm niin a sawi.

Kum 2020 khan Manchester City boss Pep Guardiola chuan Benfica atang Ruben Dias hi ala lut a, aman atan £51million an pek mai bakah Nicolas Otamendi an pe tel bawk a ni. Manchester City a pan hnu hian Man City player pawimawh ber pakhat a ni.

Ferdinand pawhin kum 24 a upa Ruben Dias hi fak ve tho mahse, defender tha top 3 ah a telh lo a ni.

A telh loh chhan a sawi dan chuan, “Ruben Dias hi a ropui hle, mahse, season hmasa chauh kha ala khel rih a ni, kum tamtak a khelh rih a ngai, midang ho erawh hi chu an khel tam tawh hle.” tiin a sawi.

Source SB

Related Posts

Leave a Reply

Your email address will not be published. Required fields are marked *

error: Content is protected !!