Reports: Liverpool in an Player hralhna atangin £80 million hmuh an beisei

Summer transfer lo awm turah Liverpool chuan an squad player thenkhat hralhna atangin sum tuak an tum a, £80 million lai mai hmuh theih an beisei.

Hriat angin Reds hian Premiere League title an hum zo lova, a chhan ber nia lang chu an player ten hliam an tawrh nasat lutuk vang niin a lang.

Season khelh zawh takah khan Liverpool player thenkhatte chu an che thalo hle a, a bik takin Sadio Mane leh Roberto Firmino hian season duhawm lo tak an hmang a ni.

Liverpool hian season thar inbuatsaihna atan player quality nei thei an mamawh dawn a ni, player thar lak luhna tur hian Liverpool in an player che tha vaklo te hralhchhuk dawn niin Liverpool Echo chuan a tarlang.

Liverpool chhuahsan tur zingah Shagiri leh Origi te an langsar a, an chhuak hnai

Image
Shaqiri

Xherdan Shaqiri leh Divock Origi hi kum tlemte liamta atang khan substitute angin Liverpool tan an pawimawh hle. Mahse, tun summer-ah erawh Liverpool lama an hun chu a tawp ve mai dawn niin a lang.

Season khelh zawh takah khan Shaqiri leh Origi hi an khel tam lo hle, substitute atanga an luh pawhin an che tha theilo. Attackers pahnih hralhna atang hian £30 million tal hmuh an inbeisei.

Takumi Minamino leh Harry Wilson pawh summer transfer lo awm turah chhuak tura rinkai pahnih an ni. Minamino hi Jurgen Klopp match khelh danah a tling thei thlawt lo, chutiang bawkin Wilson pawh Jurgen Klopp plan-ah a tel lova, Premiere League match khelh ve theihna huntha a nei mang lo a ni.

Minamino

Minamino hi Southampton lamah loan in a khel mek a, Liverpool chuan a nghetin hralh chhuah an tum, a man tur hi £10 million ni tura ngaih a ni. Wilson hlut zawng hi £12 million a ni ve bawk.

Marko Grujic

Liverpool hian an player dang Loris Karius, Taiwo Awoniyi leh Marko Grujic te pawh hralh chhuah an tum. Grujic hi Germany lamah hun a hmang mek a season khelh zawh takah khan a che tha hle. Hei vang hian a hlutna pawh a pung hluai niin report in an tarlang.

Source SL

Related Posts

Leave a Reply

Your email address will not be published. Required fields are marked *

error: Content is protected !!