Report: Real Madrid in Man Utd target Varane man an sawi

Manchester United nena sawi zawm Raphael Varane man tur Real Madrid in an sawi niin report in a tarlang.

Kar hmasa atang khan Man Utd leh Real Madrid defender Raphael Varane chungchang sawi a tam hle. Report thenkhatte chuan Man Utd hian Varane hi an la lut hnai niin an sawi a, mimal thilah inremna an nei tep tawh niin an tarlang bawk.

France tan 2020 European Championship a khelh hnuah, Varane chuan chawlh a hmang mek a. Mahse, Man Utd lamin deal chungchangah inrem theih thuai an beisei.

Hetihlai hian player man tur chungchangah an la inrem lova, ABC tarlan dan chuan Real Madrid hian 2018 World Cup winner Varane-a man atan hian £50 million lai an hauh niin an tarlang. Tunah hian Real ah kumkhat daih contract ala nei mek.

Los Blancos lam hian kum 28 a upa Varane atang sum tuak theih ngei an duh. A chhan chu tun nipuiah an hralh chhuak lo a nih chuan, nakum lamah free agent in a chhuak thei dawn ani.

Real Madrid hian an defender Sergio Ramos chu Ligue 1 club lian Paris Saint-Germain lakah a free in an chan tawh a.

Varane’an Real Madrid a chhuahsan tak tak chuan Real hian centre back ah Eder Militao leh Nacho chiah an nei tawh dawn tihna a ni. Mahse, tunah hian Bayern Munich atangin David Alaba an la lut ve bawk.

Source SL

Related Posts

Leave a Reply

Your email address will not be published. Required fields are marked *

error: Content is protected !!