Report: Real Madrid boss thar Carlo Ancelotti’an player thar lak luh tur a nei

Real Madrid manager thar Carlo Ancelotti chuan season thar inbuatsaihna turin player thar lak luh ngei a duh a, a lak luh tur pawh a chiang thawkhat tawh niin report in an tarlang.

Ancelotti’an Everton a chhuahsan thut avang khan mi tamtak a barakhaih hle a, Everton-ah hian kum khat leh a chanve a awm hman tawk. Real Madrid boss Zidane’an club a chhuahsan avangin Carlo Ancelotti hi an la lut ta a ni.

A club hlui lama a kir leh hnuin, a vawikhatna atan player lak luh a tum a, Football Insider in a tarlan dan chuan Toffes forward Richarlison hi lak luh a tum dawn niin an tarlang.

Brazilian forward Richarlison hi Goodison Park lamah a che tha hle a, hei vang hian European club lian hrang hrang nena sawi zawm mek a ni. Mahse, Real Madrid lamah hian Ancelotti nena thawh dun leh theihna huntha a nei thei dawn.

Italian manager Ancelotti hian Toffees player te atangin Richarlison chiah hi Los Blancos tana khel thei tura a rin a ni.

Report in a tarlan zel danah Real Madrid hian Everton offer an nghak mek niin an tarlang bawk. Real Madrid hian manager thar hmangin season thar inbuatsaih an tum ruh hle.

SOurce SL

Read More (Super computer in Euro 2020 a predict, England chan a chau hle.)

England hi FIFA World Cup Russia khelh takah khan Semi final an thleng a, tunah pawh hian squad an nei thain, player chhe zawk zawk an kawl lo. Euro 2020 champion tura rinkai ber pakhat anni.

The Analyst’s Stats Perform Predictor chuan Three Lions hi European Championship a an champion theihna tur chance a pek chu 5.2 per cent a ni.

Super computer an tih mai ina a predict dan chuan team ranking, history leh tun hnaia an performance dan atang an chhut.

Super computer in a tarlan dan chuan England aiin team dang pariat lai mai te chuan Champion theihna chance an nei niin a tarlang.

2018 FIFA World Cup winner France hian champion theihna chance 20.5 per cent an nei a, Belgium in 15.7 per cent, Spain in 11.3 per cent pahnihna leh pathumna an hauh.

Germany hian champion theihna chance 9.8 per cent an nei a, Portugal in 9.6 per cent, Italy 7.6 per cent, Netherlands ten 5.6 per cent an nei bawk. Heng team te hi Enland aiin champion an hnaih zawk tihna a nih chu.

A hnuaia kan rawn tarlan ang hi Super computer predict, champion theihna chance nei tha te an ni.

24. North Macedonia – 0.02%

23. Slovakia – 0.04%

22. Scotland – 0.1%

21. Hungary – 0.1%

20. Finland – 0.1%

19.Austria – 0.2%

18. Czech Republic – 0.2%

17. Turkey – 0.4%

16. Wales – 0.6%

15. Ukraine – 0.8%

14. Poland – 0.8%

13. Russia – 1.0%

12. Croatia – 1.0%

11. Sweden – 1.5%

10. Switzerland – 2.3%

9. England – 5.2%

8. Denmark – 5.4%

7. Holland – 5.6%

6. Italy – 7.6%

5. Portugal – 9.6%

4. Germany – 9.8%

3. Spain – 11.3%

2. Belgium – 15.7%

1. France – 20.5%

England hian an game hmasa berah Croatia an hmachhawn nghal dawn a, kum 3 liamtaah khan Croatia hian England hi an lo knock out tawh a ni. Croatia an hmachhawn hnuah Scotland leh Czech Republic an hmachhawn ve leh ang.

Source Sportbible

Related Posts

Leave a Reply

Your email address will not be published. Required fields are marked *

error: Content is protected !!