Report: Ole Gunnar’an Lingard hmalam hun tur a sawi chiang

Manchester United manager Ole Gunnar Solskjaer chuan an player, season hmasaa loan-a an chhuah
tir kum 28 mi Jesse Lingard chu season thar atana a ruahmannaah a tel thu a sawi.

United hian vawiin khan an pre-season game hmasa ber khelin Derby County lakah 2-1 in hnehna an
changa, Lingard hi second half-ah dah luh a ni a, a khel chhe lo hle.

Lingard hi kum 2011 atang khan United-ah a awm tawha, hmun a chan hleihtheih loh avangin season
liamta chawhnu lam khan West Ham loan-in a chhuaka, a khel tha hle a, United hian season thar lo
awm turah pawh kawl ngei an tum tawh niin a lang.

Lingard-a chungchang zawhna chhangin Solskjaer chuan, “Derby lakah a khel tha pawl a ni a,
Manchester United player a ni a, hmun chang tura bei turin a inpeih.

“A lo kir hnuah a inringtawka, a phur bawka, season liamta tawp lam khan West Ham-a a khelh dan
kan hmu vekin ka ring. Ka ruahmannaah a la tel chianga, season kan tan hunah pawh kan player a nih
ngei ka beisei a ni,” a ti.

<> at Aon Training Complex on December 28, 2018 in Manchester, England.

Source SL

Related Posts

Leave a Reply

Your email address will not be published. Required fields are marked *

error: Content is protected !!