Report: Minutes 17 chauh a khelh hnuah, Barcelona in an chhuahtir avangin Barca player hluiin Barcelona khing a tum

Barcelona mifielder hlui Matheus Fernandes chuan Barcelona khing a tum niin an sawi a, a chhan chu season liamtaah khan minutes 17 chauh khelh tir anih vang leh a contract an tihtawp sak vang niin an sawi bawk.

Kum 2020 August thla khan Brazilian midfielder Matheus Fernandes hian Palmeiras atangin Catalan club lian Barcelona hi a zawm a, mahse, Barcelona hian player dang an lak luh angin official takin an puangzar lem lo.

Season liamtaah khan Ronaldo Koeman hnuaiah Fernandes hi vawikhat a inlan ve thei, Dynamo Kiev nen UEFA Champions League group stage an khelh tum khan a ni a, minute 17 chiah ala khel zui.

Nikum khan FC Barcelona in Fernandes lak luh nan €7 million lai an seng a, Camp Nou lamah hian kum 4 daih contract nei rih mahse, club lamin an tihtawp sak daih a ni.

Radio Barcelona in a tarlan dan chuan Matheus Ferdinan hian club tihfelna chu a pawmpui lova, La Liga club lian Barcelona thil tihdan chu fel tawklo niin a hria a, court lamah khin a tum niin an tarlang.

Fernandes chuan a hmain Koeman hian ka chungchang lungawi lohna a nei tiin alo sawi tawh a, hei vang hian khelhna hun a pe tlem niin a sawi bawk.

“Koeman hian ka chungah lungawi lohna a nei niin ka hria.” tiin Matheus Fernandes chuan May thla khan Mundo Deportivo alo hrilh tawh.

“Engvang nge tih ka hrelo, a hmasa berah chuan ka khel tlem hle. Coach chuan khelhna huntha ka neih tam loh tur thu min hrilh a, mahse, huntha neih theihna erawh ka nei” tiin sawi belh.

Source SL

Related Posts

Leave a Reply

Your email address will not be published. Required fields are marked *

error: Content is protected !!