Report – Manchester City star in chhuah a dil ?

Manchester City star Aymeric Laporte chu Man City lama a role-ah a lungawi loh vangin a hlim lova, club lamah chhuah a dil niin report in an tarlang.

Aymeric Laporte hi season khelh zawh takah khan Etihad lamah duh angin an chhawr vak lova, hei vang hian chona thar dang hmachhawn chu a rilruk niin an sawi.

Season hmasa lamah khan Ruben Dias’an Man City a zawm a, John Stones nen an inkawp fuh ang reng hle, hei vang hian Aymeric Laporte leh Nathan Ake chu squad lamah an lang khat ang reng hle a nih kha.

English journalist Duncan Catltes’an Transfer Window Podcast a hrilh dan chuan, Spain international hi Manchester City-ah a hlim hlawl lo tiin alo sawi ve bawk.

Castle bawk hian La Liga club lian FC Barcelona lamin central defender hi lak luh an duh niin a sawi, mahse, FC Barcelona lam hian player duh ang an pe thei dawn lo niin a lang.

Report thenkhatin an sawi dan chuan Citizens lam pawhin an player thenkhatte an chhuahtir a ngai dawn a, chhuak tur zngah hian Laporte pawh telin player dang lak luhnan sum tuak nan an hmang dawn niin an sawi.

Premiere League Champions Manchester City hian season thar inbuatsaihna atan player thar an la lut rih lova, mahse, an player tha Sergio Aguero leh Eric Garcia te chu an chan tawh a ni. Anni pahnih hi Barcelona lamah free transfer in an lut.

Source SL

Related Posts

Leave a Reply

Your email address will not be published. Required fields are marked *

error: Content is protected !!