Report – Man Utd Star in a jersey number, Varane a pe duh lo

Kan hriat angin Manchester United chuan Raphael Varane chu an la lut a, mahse, Old Trafford-ah hian a jersey number duh ber a ha thei dawn lo a ni, a chhan chu Red Devils star in a number hak lai a pek duh loh vang niin report in an tarlang.

Manchester United in 2021/22 Premiere League match hmasa bera Leeds United an hmachhawn hma khan Raphael Varane an lak luh thu official taka puan a ni. An inrem tawhna erawh kar khat liamtaah khan ani e.

Varane chuan Old Trafford-ah hian jersey number 4 a ha dawn lova, jersey number 19 a ha dawn a ni, French national team tan khan jersey number 5 a ha thin a, hei hi Real Madrid-ah pawh khan a ha a ni, Man Utd-ah erawh number 5 hatu chu Harry Maguire a ni.

Manchester Evening News tarlan dan chuan Phil Jones hi Man Utd tan a inlan tam tawhlo hle a, khelhna huntha a chang thei vak tawh lo, heti chung hian a jersey number 4 chu Varane a hak tir duh lo niin an tarlang.

Phil Jones hi Old Trafford atanga chhuak tur angin thuthang a awm a, mahse, kum tlemte liamta atang khan hliam neuh neuhin a ti buai ve reng avangin club tan pawh duh angin a khel tam lo.

Varane chuan Pathianni khan a teammates te a zawm a, kar leh khian Southampton an hmachhawn dawn khel tura ngaih a ni.

Source SL

Related Posts

Leave a Reply

Your email address will not be published. Required fields are marked *

error: Content is protected !!