Report: Man Utd in Bayern Munich Star Agent an bia

Tun summer transfer window-ah hian Manchester United chu insiamthat an tum hle niin a lang, report in a tarlan dan chuan Man Utd lamin transfer chungchangah Bayern Munich star agent an bia niin an tarlang.

Manchester United manager Ole Gunnar Solskjaer chuan tun transfer window-ah a squad thuam that tum hle a, a bik takin Old Trafford lamah Paul Pogba hmalam hun a chian vak tawh loh vangin player tha a melh kual nasa hle.

Frenchman Pogba hian Man United-ah kum 1 chiah contract a nei tawh a, tun thlengin contract pawhsei lam ala lang tak tak thei rihlo.

German publicationĀ BildĀ chuan Red Devils lamin Germany star Leon Gorezka agent chu biain, Munich lama Goretzka dinhmun an zawt chiang niin a tarlang. 2018 FIFA World Cup winner Leon Gorezka hian Bayern Munich a chhuahsan a nih chuan Old Trafford lamah lak an tum niin a tarlang bawk.

Pogba ang thovin Goretzka hian Bundesliga champions Bayern Munich-ah hian kum tawpna tur a hmang dawn a, Bayern Munich lam hian contract thar pawhsei chungchang engmah an la sawi rih lo.

Hetihlai hian Germany international Goretzka hian club lama la awm chhunzawm a duh a, mahse, Bayern Munich hian inremna an siam pui thei ang em tih erawh a la chiang lo.

Solskjaer target-ah hian West Ham United star Declan Rice, Leicester City star Wilfried Ndidi leh Brighton & Hove Albion midfielder Yves Bissouma te pawh an awm a ni.

Engpawhnise, Manchester United manager Ole Gunnar Solskjaer hi a tang hle tih a hriat a, season thar lo awm turah hian United hi a champon pui thei mai lovang maw?

Source SL

Related Posts

Leave a Reply

Your email address will not be published. Required fields are marked *

error: Content is protected !!