Report – Lionel Messi’an PSG lama a teammate chu chhuak se tih a duh

Lionel Messi chu Paris Saint-Germain lama a teammate pakhat nen an intithiam lo niin report in a tarlang.

Kumin August thla khan Kum 34 a upa Lionel Messi chuan French club lian Paris Saint-Germain hi a zawm a, Barcelona lamah kum 21 chhung teh meuh mai hun a hmang hman. Barca lama hun a hman chhung hian hlawhtlinna hrang hrang a chang a, Ballon d’Or vawi 6 lai a dawng hman a nih kha.

Hetihlai hian Ligue 1 lamah erawh beisei angin ala che tha em em lo, Messi hian UEFA Champions League-ah goal 3 a khung tawh a, RB Leipzeig laka goal 2 a khung pawh kha a tel.

Europe lama a chet dan avangin Kylian Mbappe chuan Lionel Messi hi 2021 Ballon d’Or dawng tur zinga a tel thu a sawi, mahse, a teammate pakhat erawh chuan Lionel Messi hi a ei vak lo niin a lang.

El Nacional in a tarlan dan chuan FC Barcelona hlui Lionel Messi leh a thian Mauro Icardi chu an intithiamlo niin a tarlang a, PSG in Icardi hi Catalan club lamah hralh sela, swap telin Sergio Aguero zawk hi la lut se tih a duh niin an tarlang bawk.

Kum 2018 atang tawh khan Lionel Messi leh Mauro Icardi karah buaina hi a awm tan tawh niin an sawi a, Argentina national team squad-a Icardi a tel theih ve loh chhan chu Lionel Messi’an a duh lo niin Icardi chuan a ngai a ni.

Kan hriat angin Inter Milan striker hlui Mauro Icardi hi European football-a goal khung thei tak pakhat alo ni thin tawh a, mahse, International level-ah erawh huntha a nei thei mang lo.

A nihna takah chuan Icardi hian kum 2013 atang khan a ram Argentina tan a khel tan a, mahse, match 8 chiah ala inlan thei rih a ni, major tournament-ah koh a ni ngai lo.

Lionel Messi hian summer transfer laia Barcelona zawmtu Sergio Aguero chu a duhsak zawk niin a lang, tun tumah pawh French club lian PSG hian la lut se tih chu a duh. Anni pahnih hi hunrei tak chhung chu Argentina tan an lo khel dun tawh a ni.

Source Sl

Related Posts

Leave a Reply

Your email address will not be published. Required fields are marked *

error: Content is protected !!