Report: Barcelona in Griezmann chu Man City player nen inthleng pui an duh

Atletico Madrid nena sawi zawm Antoine Griezmann chungchangah sawi a awm leh tawh lova, FC Barcelona chuan Manchester City nen swap deal neih pui an duh niin report in a tarlang.

Kan hriat angin FC Barcelona leh Atletico Madrid te chuan Grieazmann leh Saul Niguez chu inthleng an tum niin thawm a awm a nih kha.

Mahse, Spanish chanchinbu pakhat Mundo Deportivo chuan Atletico Madrid lamin inthleng an duh leh lo niin an tarlang a, Barcelona chuan 2018 FIFA World Cup winner Griezmann chu Premiere League champion Man City lamah an offer tha zawk niin an tarlang.

FC Barcelona lam hian an superstar Lionel Messi an lak luh theihna turin an player te hlawh an tih hniam sak mai bakah player thenkhatte chhuahtir an tum niin an sawi. Lionel Messi hian Catalonia-ah hian kum 5 dang contract sign belh a tum niin an sawi bawk.

An sawi zel danah FC Barelona hian Griezmann thleng pui atan Ryad Mahrez, Raheem Sterling, Bernando Silva emaw Aymeric Laporte te atang hian pakhat tal an duh a ni.

Manchester City lam pawh hian striker thar an mamawh ve hle a, striker thar lak luhna atan Raheem Sterling atangin sum tuak an tum niin an sawi, Sterling hian Sergio Augero hnungzuiin City a chhuahsan ve mai lovang maw?

SL

Related Posts

Leave a Reply

Your email address will not be published. Required fields are marked *

error: Content is protected !!