Report: Barca in Swap deal chungchang Griezmann an hriat tir lo

Kan hriat angin Barcelona leh Atletico Madrid te chuan Antoine Griezmann leh Atletico Madrid lama a teammate inthleng pui an tum a, mahse, he thu hi Barcelona chuan Antoine Griezmann an hrilh lo niin report in a tarlang.

Kan hriat angin hrileng avangin club hrang hrang ten sum lamah harsatna an tawk nasa hle a, sum lama harsatna tawk zingah FC Barcelona pawh hi an tel ve, Player thar an lak luh theihna tur leh Lionel Messi an chelh theihna turin an player te hlawh an tih hniam sak nual tawh a ni.

Antoine Griezmann pawh hi Catalans club player hlawh hnem ber pakhat a ni a a, Camp Nou ah hian kar khatah £345,000 lai mai a hlawh thei a ni.

FC Barcelona chuan Griezmann hi chhuahtir an tum niin sawi a awm a, Atletico Madrid star Saul Niguez nen inthleng tur anga sawi a ni.

RMC journalist Loic Tanzi chuan he swap deal chungchangah hian Griezmann hrilh lovin engkim tih fel an tum niin a sawi.

“Tun dinhmunah chuan thil hi a hnawk deuh rih a ni, ” tiin Loic Tanzi chuan Twitter-ah a sawi.

“Griezmann hriattirna tel lovin club pahnih te hi an indawr a ni.”

“Hlawh danglam hi a pawimawh hle a, Barcelona hian an tum ram an thleng thei tep tawh” tiin a sawi bawk.

Source SL

Related Posts

Leave a Reply

Your email address will not be published. Required fields are marked *

error: Content is protected !!