Mak deuh maiin Real Madrid manager hlui Carlo Ancelotti chu Real Madrid lamah a kir leh hlawl mai a, club a enkawl dawn tak siah chuan, tun transfer window lo awm turah hian players 7 lai mai te pawh chhuak thut thei dinhmunah an ding mek.
Kum 61 upa Italian coach Carlo Ancelotti hi hi Tuesday khan Spanish club lian Real Madrid chuan an manager thar atan an lak luh thu an ti chiang. Carlo Ancelotti hi Zinedine Zidane thlaktu tura club president Florentino Perez duh niin an sawi.
ESPN in tunkar tir lama a tarlan dan chuan captain leh centre back Sergio Ramos chu chhuak tur list-ah a awm thu an tarlang a, Manchester City chuan kum 2 chhung atan kum 35 a upa Ramos hi lak luh an tum niin an tarlang bawk. Hriat angin Ramos hi 2020 UEFA European Championship khel tur Spain squad-ah a tel ve lo a nih kha.
Sergio Ramos leh Ancelotti hi kum 2013 atanga 2015 khan an lo awm dun tawh a, mahse, UEFA Champions League nomawi vawi 13 lai chawitu Real Madrid hian contract dang an la sign pui lo.
Left back experience nei tha tak Marcelo pawh Spanish club lian chhuahsan tur list-ah a tel. Season 2 chhung vel chu a position a luah hlei thei tawh lo.
2020/21 season-ah Real Madrid tan Marcelo hian all competions-ah matches 19 chiah a khel a, goal 4 ah chiah assist a nei.
Ramos centre back partner Raphael Varane pawh Manchester Untied nen sawi zawm anni mek.
Engpawhnise, a hnuaiah hian Real Madrid player chhuak tur list 7 te kan rawn tarlang ve leh e.
Mariano Diaz
Sergio Ramos
Isco
Marcelo
Raphael Varane
Dani Ceballos
Gareth Bale
Source SL