Real Madrid in Varane nena inthleng pui turin Man Utd player an duh

Real Madrid in Raphael Varane deal ah Donny Van de Beek chu tel se tih an duh thu Manchester United hnenah an hrilh niin report a tarlang.

Red Devils lam hian tun summer transfer-ah Real Madrid defender Raphael Varane chu lak luh an tum ruh hle. Amah Varane pawhin Spanish club lian tan contract thar an offer chu a hnawl tawh. Mahse, tuna contract a neih mek hi nakum lamah a zo ve dawn a ni. Man Utd boss Ole Gunnar Solskjaer chuan Harry Maguire kawppui atan defensive lam belh a duh a, Varane hi United tana tlak ber tura ngaih a ni.

Summer transfer hnuhnung berah khan Manhester United chuan Ajax atangin Van de Beek hi £40 million lai maiin an la lut a, mahse, Old Trafford lamah duh angin a che tha lo. Premiere League lama Manchester United game khelh chanve ai pawhin a khel tlem zawk a, goal 1 chiah a la khung a ni.

Daily Star in an tarlan dan chuan Real Madrid chuan Varane deal-ah Van de Beek hi tel tir se tih chu an duh a, loan in lak phawt a, summer transfer lo awm leh turah a ngheta lak luh chu an duh niin a tarlang.

Kum 24 a upa Van de Beek’an summer transfer hmasa zawka Ajax a chhuahsan lai khan, Real Madrid nena sawi zawm a ni, mahse, Real Madrid pan lovin Man Utd lam a pan ta zawk a nih kha. Report in a tarlan dan chuan Real Madrid hian Varane man atan £50million an hauh niin a tarlang a, United player duh vak loh Van de Beek lak luh theihna chance tha a ni thei dawn a ni.

Football pundit thenkhatte chuan Van de Beek hi Old Trafford atanga chhuak turin an fuih a, a chhan chu game a khelh tlem vangin. Netherlands international Rafael van der Vaart pawhin ti hian Van de Beek chungchang a sawi.

“Ajax system-ah chuan a perfect, mahse, Manchester United system-ah erawh a perfect theilo” tiin a sawi.

“Tun summer-ah hian tumahin Man Utd an chhuahsan lo a nih chuan, starting lineup chang thei turin a vannei ang. Season 2 chhung teh meuh mai bench-ah a thu tawh a. Khelh tam a mamawh. Ala naupang a, mahse, hun erawh a thlawkin a thlawk. Borussia Dortmund te ang club hi atan chuan a that ber ka ring. Manchester United erawh atan chuan ala hla deuh a ni.” tiin a sawi bawk.

Source Sportbible

Related Posts

Leave a Reply

Your email address will not be published. Required fields are marked *

error: Content is protected !!