Ramos’an Real a chhuahsan hnuah Zidane’an message a thawn

Real Madrid manager hlui Zinedine Zidane chuan thla leh maia Spanish club lian chhuahsan tur Sergio Ramos chu message a thawn.

Tunkar tir lamah khan Real Madrid chuan Sergio Ramos chu kum 16 lai mai hun a hman hnuah a chhuak dawn tih an confirm, Real Madrid a contract a neih hi tun thla zawh rual hian a zo ve dawn a ni.

Sergio Ramos chuan contract thar sign a duh niin a sawi a, mahse, Los Blancos lam chuan offer chu an la bo niin a sawi, thla thar atang chuan kum 35 a upa Sergio Ramos hian free agent in Real Madrid a chhuahsan thei dawn a ni.

Hetihlai hian Real boss hlui Zidane pawh thla hmasa lamah khan club nen an lo inthen fel tawh a, mipui lam atang support na an hmu tha vak lo nia a ngaih thu a sawi chhuak.

Zidane chuan Thla thar atanga chhuak tur a captain hlui leh teammate hlui ni bawk Sergio Ramos chu a wish a, social media lamah a tarlang.

“Legend” tiin Frenchman Zidane hian a ziak niin Diario AS chuan an tarlang.

“Teammate leh player anga nang ka nei che hi lawmna ropui tak a ni. Kan history-ah captain ropui ber i ni. Engkim avang khan ka lawm hle.” tiin Zidane hian a ziak bawk.

Real Madrid-ah Ramos hi kum 16 chhung teh meuh mai hun a hmang a, Los Blancos tan match 671 ah inlanin tophies 22 lai a chawi pui thei a ni. Hetah hian UEFA Champions League nomawi 4 a chawi pawh a tel.

Source SL

Related Posts

Leave a Reply

Your email address will not be published. Required fields are marked *

error: Content is protected !!