Ramos’an Ram tana record a neih chu, C Ronaldo’an a khum

Manchester United star Cristiano Ronaldo chuan international record thar a siam leh a, he a record thar siam hi Real Madrid lama a teammate Sergio Ramos’an alo siam ve tawh a ni.

Nimin khan Portugual chuan friendly match-ah Qatar chu hmachhawnin, C Ronaldo pawh start tir ve a ni, Tuesday khian World Cup qualifier match Luxembourg nen an inhmachhawn dawn a ni.

Ballon d’Or vawi 5 lai lo dawng tawhtu hian a ram Portugal tan match 181 lai mai a inlan tling tawh a, Europe bikah ram tana inlan hnem ber a ni mek niin UEFA lamin an tarlang.

Cristiano Ronaldo ram tana goal khung tam ber a nihna pawh hi ala rei vak lova, ram tana goal khung hnem ber ni mek Iran forward Ali Daei chu a khum a ni.

Inrinni zan khan 2016 European Champion Portugal chuan Qatar chu 3-0 lai maiin an hneh a, Red Devils star C Ronaldo pawhin goal a khung ve bawk.

Premiere League Player of the Month (September) atana thlan a ni bawk a, a kum ngaihtuah chuan a upa ve deuh tawh a, mahse, hniam lam aiin, that lam a pan mah zawk niin a lang. September thla khan match 3 a khelh atangin goal 3 a khung a ni.

Ballon d’Or vawi 5 dawng tawhtu C Ronaldo hian ram tan goal a khung belh zel a, khung theihna hun ala awm nual, tunah hian goal 112 lai a khung tling mek.

Ram tana inlan hnem player te

9 – Anatoliy Tymoshchuk (Ukraine) – 144 appearances

8 – Anders Svensson (Sweden) – 148 appearances

7 – Lothar Matthaus (Germany) – 150 appearances

6 – Martin Reim (Estonia) – 157 appearances

5 – Iker Casillas (Spain) – 167 appearances

4 – Vitalijs Astafjevs (Latvia) – 167 appearances

3 – Gianluigi Buffon (Italy) – 176 appearances

2 – Sergio Ramos (Spain) – 180 appearances

1 – Cristiano Ronaldo (Portugal) – 181 appearances

Source Sl

Related Posts

Leave a Reply

Your email address will not be published. Required fields are marked *

error: Content is protected !!