Ramos’an PSG Jersey number 4 a ha leh thei dawn e

Kan hriat angin Sergio Ramos chuan Real Madrid chhuahsanin Paris Saint-Germain a pan a nih kha.

Kum 35 a upa hi Spanish khawpuiah kum 16 chhung teh meuh mai hun a hman hnuin, thla hmasa khan a contract neih a zawh avangin club a chhuahsan a ni.

Ramos duhtu tamtak awm mahse, Paris Saint-Germain zawm chu a thlang zawk a, kum 2 chhung atan contract a sign a ni.

Sergio Ramos’an Los Blancos chhuahsan a duhloh thu a sawi hnuah, Twitter lamah club tha ber a zawm thu a tweet leh a ni.

Paris Saint-Germain a zawm hma a jersey number 4 hatu chu Thilo Kehler niin, Kehler hian a teammate thar Sergio Ramos chu Jersey number 4 a hak tir.

“Number 4 chungchangah hian ka puithu ang reng a, a chhan chu ka career bul tan tirh atang ta tawha ka hak reng thin a ni. Ka career leh ka nuna bet tel tlat a ni. Hei hian vanneihna tamtak minpe a, vawi tamtak hnehna ka chan pui tawh a ni.” tiin Sergio Ramos chuan PSG TV a hrilh.

“No 4 hi keimah mimal tak leh professional a bet tel tlat a ni a, SR4 team ropui Paris Saint-Germain tana ka ha leh thei tur hi ka tan a special hle.” tiin a sawi bawk.

Source SL

Related Posts

Leave a Reply

Your email address will not be published. Required fields are marked *

error: Content is protected !!