Ramos hi Real Madrid-ah kan hmu leh ngei ngei ang tih ka chiang

Real Madrid star Toni Kroos chuan engtikniah emaw Sergio Ramos chu La Liga club lian Real Madrid lamah a kir leh ngei a ring.

Kan hriat angin Sergio Ramos chuan Spanish club nen an inthen fel tawh thu a sawi a, tun thla tawp rual hian kum 16 hnuah Madrid a a contract neih a zo ve dawn a ni.

Toni Kroos chuan Ramos chu Real Madrid player anga football a chawlhsan lo tur chu a suangtuah ngam lova, mahse, tuna duhthlanna a siam hi duhthlanna tha tak a nih thu a sawi.

“Sergio Ramos telloin Real Madrid hi ka hre lo. Real Madrid lamah a career tawp a hmang lo tur chu i suangtuah ngam lovang. Heta a awm rih kha ka ring.” tiin Toni Kroos chuan Einfach mal Luppen podcast a sawi.

“Khawiah nge a kal dawn tih ka hre lo, mahse, duhthlanna tha tak a siam ka ring.”

“Kum 7 chhung teh meuh mai player angin leh mimal ang pawhin a kiangah ka awm a, huntha tak kan hmang. Ramos hi top player chauh a ni lova, ka hmuh tawhah chuan captain tha ber a la ni. A chhan chu team tan field chhung leh pawnah pawh a bei fan fan thin a ni.” tiin a sawi.

German midfielder Toni Kroos hian Ramos chu engtikniah emaw Los Blancos lamah a kir leh ngei a beisei.

“Real Madrid-ah Ramos hi kan hmuh leh ngei ka ring, eng ang role pawhin” tiin Kroos chuan a sawi belh.

“Club tan hian a that ka ring a, hmalam hunah thil tamtak club tan ala ti thei dawn a ni.” tiin a sawi bawk.

Source SL

Related Posts

Leave a Reply

Your email address will not be published. Required fields are marked *

error: Content is protected !!