PSG nena sawi zawm an nih chungchangah Pogba a tawng chhuak

Manchester United star Paul Pogba leh Ligue 1 club lian Paris Saint-Germain sawi zawm an nih chungchangah Pogba a tawng chhuak.

Manchester United lamah France star Paul Pogba hmalam hun tur a chiang tawhlo hle a, tunah hian a contract tawpna tur a hmang mek.

A agent Mino Raiola season hmasa lamah khan a client hi a hlim loh thu a sawi a, a chhan pawh bench-ah a thut vang niin a lang. Hetihlai hian amah duhtu zingah Paris Saint-Germain an rawn lang ve leh.

France hian 2020 UEFA European Championship game hmasa berah Germany an hmachhawn dawn a, hemi chungchangah Paul Pogba pawh press-ah kawm a ni a, Paris Saint-Germain nena zawi zawm annih chungchang te pawh sawiin, an in biak loh thu a sawi.

“Paris nen inbiak maw? He deals siam tur hian agent ka nei.” tiin Paul Pogba chuan a sawi niinĀ TEAMtalkĀ in an tarlang.

“PSG president Nasser Al-Khelaifi number pawh ka neilo hrim hrim.”

“Tunah ka ngaihtuah chu Euros chauh hi a ni, ka rilru zawng zawng ka pe rih.”

“A hma zawng aiin experience ka nei tam zawk tawh a, tunah rih hi chuan Euro chiah ka la ngaihtuah.” tiin Paul Pogba chuan a sawi.

Source SL

Related Posts

Leave a Reply

Your email address will not be published. Required fields are marked *

error: Content is protected !!