PSG neitu Nasser Al-Khelaifi unaupa in Messi leh Ronaldo thlalak PSG kit an inbelna chu a tweet

Paris Saint-Germain neitu Nasser Al-Khelaifi unaupa Hamad bin Khalifa Al Thani chuan tun hnai lawk khan Lionel Messi leh Cristiano Ronaldo’an PST Kit an inbelna thlalak chu Twitter lamah a tweet.

Hamad bin Khalifa Al Thani chuan fans te chu chhaih/fiamin Barcelona atang Lionel Messi an lak luh hnuah Cristiano Ronaldo pawh an la lut ve maithei niin a tweet a ni.

Cristiano Ronaldo leh Lionel Messi’an PSG jersey an hakna thlalak chu tweet in caption ah, English, French leh Spanish tawngin “maybe” tih chu a hmang a ni.

Football fan tamtak te dream pakhat chu team pakhat tan Lionel Messi leh Crisitiano Ronaldo an khelh dun lai hmuh a ni. Mahse, tun dinhmunah hian club tamtakin sum lamah harsatna an tawk nasa em em a, Paris Saint-Germain chauh hi superstar pahnih hlawh pe thei tur awmchhun anni hial maithei.

Kan hriat angin Cristiano Ronaldo hmalam hun hi a chiang tawhlo hle a. Kum 36 a upa Ronaldo hian Juventus-ah contract thar ala sign belh rih lo a ni. Tun summer transfer inhawn chhung ngei hian club dangah insawn a tum dawn niin a lang.

Lionel Messi erawh PSG lamah insawn tawhin, PSG tan a game hmasa ber ala khel rih lova, a khel thuai tura ngaih a ni. Brest an hmawchhawn hunah chuan a khel ve tawh ang.

Image

Cristiano Ronaldo hi Paris Saint-Germain lamah a lut thei ang em?

Paris Saint-Germain hian Lionel Messi leh Cristiano Ronaldo hlawh tur hi an pe thei dawn a, mahse, Journalist Fabrizio Romano sawi dan chuan tun summer-ah hi chuan lak luh rih an tum dawn lo niin a sawi.

Image

Premiere League champion Manchester City hi Cristiano Ronaldo nen sawi zawm anni a, Jorge Mendes pawhin club lam a bia niin an sawi. Mahse, Man City lam hian an la lut duh ang em tih chu mi tamtak zawhna a ni mek.

Kylian Mbappe pawhin PSG hi chhuahsana Real Madrid lama insawn a duh a, Cristiano Ronaldo leh Messi chu team pakhat tan an la khel dun rih dawn lo niin a lang.

Source 90Min

Related Posts

Leave a Reply

Your email address will not be published. Required fields are marked *

error: Content is protected !!