Premiere League history-a player sang 6, Peter Crouch aia sang 3 an awm

Brighton lak luh thar Kjell Sherpen chu Premiere League history a player sang ber pakhat a ni.

Brighton goalkeeper thar Kjell Sherpen hi a din ngil pangaiin feet 6 leh inchi 8 lai maia sang a ni.

Mahse, tun tumah hian Premiere League history-a player sang zual top 6 te kan rawn tarlang ve leh dawn a ni.

SZEKESFEHERVAR, HUNGARY – JUNE 3: Kjell Scherpen of Holland U21 during the EURO U21 match between Holland v Germany at the Mol Arena Sosto on June 3, 2021 in Szekesfehervar Hungary (Photo by Rico Brouwer/Soccrates/Getty Images)

Premiere League history-a player sang zual 6 te chu

6 LARS LEESE – 6ft 7in

German goalkeeper hi 90s chho velah khan Barnsley tan a khel a, Premiere League games 16 a khel hman a ni.

Cologne-a piang niin, a pianna hmunah DSK Cologne a enkawl mek.

IAN FEUER – 6ft 7in

Ian Feuer hi Basketball player ni awm tak zawk a ni, American goalie hi Premiere League lamah West Ham leh Derby County tan alo khel ve tawh thin.

A farnu hian Hollywood legend Mickey Rourke chu pasalah a nei nghe nghe. Feuer hian football a chawlhsan hnuah coaching lamah a lut a ni.

STEFAN MAIERHOFER – 6ft 7in

Bayern Munich forward hlui Maeirhofer hian Wolves tan Premiere League game 9 a khel hman.

Striker palian tak hi Austrian mi niin, a career-ah club hrang hrang 18 tan a khel tawh a ni.

NICOLA ZIGIC – 6ft 7in

Serbian striker Zigic hi Birmingham icon ni mahse, Premiere League-ah kum 5 chauh a awm.

PETER CROUCH – 6ft 7in

Premiere League history-a player hriat hlawh tak pakhat a ni, Premiere League club pariat lai maiah a khel kual a, Tottenham, Liverpool leh Burnley ah te pawh a khel tawh.

Tunah chuan football a chawlhsan tawh a, Premiere League lama a khelh ve thin lai kha chuan player hlauhawm tak pakhat a ni.

LACINA TRAORE – 6ft 8in

Ivory Coast striker hi Premiere League bikah game 1 chiah a khel, kum 2014 ah khan loan in Everton chuan an la lut a ni.

Tunah hian Turkish club Bandirmaspor tan a khel mek a, Russia, Hungary leh Romania-ah te a khel kual nasa.

COSTEL PANTILIMON – 6ft 8in

Romanian goalie hi Sunderland leh Watford ah te khel tawhin, Manchester City in kum 2014 a nomawi an chawi tum khan a tel ve nghe nhge.

Pantilimon hi tunah chuan an ram lamah kir tawhin Denizlispor tan a keeper mek, Premiere League gamees 54 lai mai a khel hman.

KJELL SCHERPEN – 6ft 8in

Ajax goalkeeper hlui Kjell Scherpen hi Brighton chuan Robert Sanchez elpui turin an la lut.

Tunah hian kum 21 chauhva upa a ni a, hmalam hun eng tak a nei mek.

Source The Sun Football

Related Posts

Leave a Reply

Your email address will not be published. Required fields are marked *

error: Content is protected !!