Premier League leh UK sorkar an inrem thei lo

Covid-19 inkhuah-khirhna chungchangah Premier League thuneitute leh United Kingdom sorkarin inremna an neih theih loh avangin English club-ten ‘red list’ a zin ngai an player-te an ram aiawha khelh an phalsak dawn lo.

FIFA World Cup qualifying chu August 30 – September 8 chhung hian khawmualpui hrang hrangah khelh a ni dawn. UK sorkarin ‘red list’-a puan rama zinte chu dan angin ni 10 chhung khung hran tur an ni a, footballer-te pawh a huam vek.

Premier League chief executive Richard Masters chuan, “Premier League club hian player-te an ram aiawha khelh hi an thlawp tlat. Amaherawhchu tuna dan hman laiah hi chuan player chhuah hi a remchang loh dan a awm.

“Player hi an inkhunghran a nih chuan team chhung boruak bakah an fitness thlengin an tuar. International match awm vanga harsatna awm thei hi kan hrethiam a, inremna awm theih dan kan zawng zel ang,” tiin a sawi.

FIFA lamin ram inelna a ngaih pawimawh avangin player chhuah phal loh hi dan kalh a ni a, Premier League club-te hi hrem theih dinhmunah an ding.

FIFA hian player te hi international break chhung bakah ni 5 chhung club tan khelh an phal sak lo thei a, September ni 11-12 Premiere League match ah an tel thei dawn lo. Hei bakah FIFA hian hremna dang pawh a lekkawh belh thei bawk.

Related Posts

Leave a Reply

Your email address will not be published. Required fields are marked *

error: Content is protected !!