Pep Guardiola leh £100 million man player sawi zawm a ni

Manchester City manager Pep Guardiola chuan Premiere League superstar lak luh a tum dawn a, he superstar hlut zawng hi £100 million vela hlu a nih a rinawm. Harry Kane erawh a ni lo.

Manchester City hian tun summer transfer lo awm turah hian an attack lam an thuam chak a rinawm a, a bik takin UEFA Champions League final a an tlawm tak avang khan a ni. Chelsea chuan final-ah 1-0 in an hneh a nih kha.

ESPN in a tarlan dan chuan Pep Guardioal chuan Aston Villa leh England midfielder Jack Grealish hi lak luh a duh niin an tarlang. Tunhnai friendly match khelhah Three Lions tan a che tha hle.

Hetihlai in Premiere League champions Man City hian Tottenham Hotspur forward Harry pawh an duh bawk a, Jacek Grealish erawh an lak theih ngei an ring. Villans lam hian an striker man atan hian £100 million an hauh a rinawm.

Man City hian an striker chhuak ta Sergio Aguero hmun luahkhattu tur thlak an mamawh hle nain, Pep Guardiola chuan Jack Grealish lak luh theihna huntha a neih chu bawhpelh a duh lo niin an sawi.

Kum 25 a upa Jack Grealish hi a hma atang tawhin City nena sawi zawm a ni a, Manchester United nen pawha sawi zawm a ni bawk. United phei chu a naupan lai atang tawha a club tan a nih thu a sawi nghe nghe.

Jack Grealish hi Villa thiampuipa leh captain a ni a, offer tha zawk an hmu thei a nih chuan club lam pawhin hralh chhuah mai an pawi tilo.

Related Posts

Leave a Reply

Your email address will not be published. Required fields are marked *

error: Content is protected !!