Kan hriat angin Manchester United star Paul Pogba chuan hliam a nei a, nakum January thla thleng a awh hmel, report hrang hrang ten an tarlan dan chuan Frenchman hian Manchester United tan a game hnuhnung ber a khel der tawh niin an tarlang.

France team te training naah Paul Pogba hian hliam a nei a, 2018 FIFA World Cup winner Paul Pogba hi a tlem berah thla 2 vel a chawlh a ngaih hmel.

January thla velah chauh rawn kir leh tura rin a ni a, Hemi thla vek hian a hmalam hun pawh a chiang thei dawn a ni. Tun season tawp ruala chhuak tur anga sawi a ni bawk a, January thla hian chhuak thei thut dinhmunah a ding mek.

Pogba’an England lama contract a neih hi kum 2022 June thla khian a zo dawn a, Man United tana contract thar sign chungchang erawh ala lang thei rih lo a ni.

The Sun in an tarlan dan chuan Red Devils lam hian kum thar lo awm turah Pogba hi free agent in chhuah an phal dawn niin an tarlang a, January transfer lo awm turah amah duhtu an awm a nih chuan an pawmpui thei tho niin an sawi.

Tun season khelh mekah France international Pogba hian bul a tan tha hle a, Premiere League match 4 a inlan atangin assist vawi 7 lai mai a nei hman a, Ole Gunnar Solskjaer tan a pawimawh zia a rawn lang chho zel niin a lang.

Liverpool in 5-0 lai maia Red Devil an hneh tum khan Pogba hian red card hmuin, PL match vawi 3 a khel thei dawn lo ni.

Real Madrid, Barcelona, Juventus leh Paris Saint-Germain te hi Paul Pogba duhtu zingah an langsar hle a, pakhat tal hian an lak luh theih ngei a rinawm.

Source SL

Related Posts

Leave a Reply

Your email address will not be published. Required fields are marked *

error: Content is protected !!