Paul Pogba man atan £51 million an offer

2020 UEFA European Championship-ah Paul Pogba a che tha ang reng hle, French club lian Paris Saint-Germain chuan Manchester United atang an lak chhuah theihna turin £51 million lai an offer niin Report in a tarlang.

Tun transfer window-ah hian Paris Saint-Germain lam an che tha hle a, Georginio WIjnaldum, Achraf Hakimi leh Sergio Ramos te an la lut tawh a, 2020 Euro khelh zawh rual hian Italy goalkeeper Gianluigi Donnaruma pawh lut nghal tura ngaih a ni mek.

Khawvel player tha an tih ang la lut nual tawh mahse, French club lian PSG chuan season thar lo awm tur atan an squad thuam that an tum ruh hle niin lang, UEFA Champions League nomawi pawh an chawi thei maithei.

L’Equipe in a tarlan dan chuan Paul Pogba hi French club lian lak luh tum ber pakhat a ni mek niin an tarlang. Old Trafford lama a dinhmun an zir chiang reng a, tunah hian United lamah kum khat daih contract ala nei mek.

An sawi zel danah Paris Saint-Germain lam hian France star man atan £51 million pek an inhuam niin an sawi. Kan hriat angin Euro 2020 ah Pogba’an a that zia pholang a nih kha.

French club lianin Paul Pogba hi an duh tak tak a nih chuan Pogba pawh a chhuah duh mai a ring.

Source SL

Related Posts

Leave a Reply

Your email address will not be published. Required fields are marked *

error: Content is protected !!