‘Paolo Rossi Award’ dawng hmasa ber Cristiano Ronaldo

Italy legend leh 1982 Ballon d’Or award dawngtu Paolo Rossy chu December 2020 khan kum 64 a upa niin a boral a, hei hi football community leh khawvel hmun hrang hrang tan a lungchhiatthlak hle.

Paolo Rossy hian kum 1982 khan Italy chu FIFA World Cup nomawi a chawi pui a, kha tih lai khan player pawimawh tak pakhat a ni, hei mai a ni lo, 80s chho velah khan Juventus tan player pawimawh tak pakhat a ni a, legend dik tak a nih zia a lang.

Calciomercato in a tarlan dan chuan Italian Footballers Association (IFA) te chuan official takin Serie A top scorer award hming atan an legend thi ta hming hman an tum niin an tarlang. A awmzia takah chuan kumin atang Serie A goal khung hnem ber top scorer award hming atan “Paolo Rossi Award” tih a ni tawh dawn tihna a nih chu. Italy striker hlui Rossi hi a career pumpui mai kha tha takin a hmang a, chawimawina hrang hrang a dawng bawk, a generation-a forward tha ber pakhata chhiar a ni.

“Paolo Rossi Award” dawng hmasa ber chu Cristiano Roanldo a ni, 2020/21 season khan Serie A goal khung hnem ber a ni a, goal 29 lai a khung. Juventus lamin season hmang tha vak lo mahse, kum 36 a upa C Ronaldo erawh a che tha ang reng hle, Serie A goal khung hnem ber award chu Paolo Rossi Award tia an thlak hnua dawng hmasa ber a ni.

Source 90 Min

Related Posts

Leave a Reply

Your email address will not be published. Required fields are marked *

error: Content is protected !!