Ole Gunnar Solskjaer’an C Ronaldo message a thawn

Manchester United boss Ole Gunnar Solskjaer chuan Manchester City zawm tur anga an sawi Cristiano Ronaldo hnenah message a thawn niin report in an tarlang.

Press conference an neihnaah Ole Gunnar chuan Real Madrid player hlui C Ronaldo chungchanga thuthang hrang hrangah a ngaihdan a sawi ve a ni.

Kan hriat angin tunhnai lawk atang khan C Ronaldo transfer chungchang hian Europe mai ni lo, khawvel hmun hrang hrang a luahkhat hneh hle a, Man Utd boss Ole pawhin United-ah C Ronaldo tan hmun a awm thu a sawi chhuak ve bawk.

“Cristiano Ronaldo nen hian englai pawhin tha takin kan inbe reng thin,” tiin Ole Gunnar Solskjaer chuan a sawi niin Fabrizio Romano’an a tarlang.

“Bruno Fernandes nen pawh hian an inbe zeuh zeuh a, a chunga kan rilru put hmang pawh a hria.”

“Juventus atang chhuah a tum tak tak a nih chuan, hetah kan awm ve tih a hre bawk tur a ni.”

“Cristiano Ronaldo hi he club legend ani a, min zawt a nih chuan, football chanchina player ropui ber a ni tiin ka sawi ang. Amah nena kan khelh dun ve avang khan ka lungawi tak zet. Eng thil nge thleng zel dawn tih kan thlir mek.” tiin Manchester United boss Ole Gunnar Solskjaer chuan a sawi.

Source SL

Related Posts

Leave a Reply

Your email address will not be published. Required fields are marked *

error: Content is protected !!