Official – FC Barcelona manager thar Xavi player lak luh hmasak ber confirm a ni

Brazilian defender Dani Alves chu a club hlui FC Barcelona lamah free transfer in a kir leh tih La Liga club lam hian an confirm.

Catalan club lian hian Zirtawpni (Friday) khan kum 38 a upa Dani Alves chu Camp Nou lamah a kir leh tih an puang.

Club Statement-a a lan dan chuan, FC Barcelona leh Dani Alves chuan tun season chhung atan an inrem a. Kar leh lam atangin training a zawm ang, mahse, January thla hma chu ala khel thei rih dawn lo niin an tarlang bawk.

Kan hriat angin Dani Alves hi FC Barcelona player hlui a ni a, Camp Nou lama hun a hman chhung khan match 391 lai maiah a inlan hman a ni. Camp Nou lama hun a hman chhung khan UEFA Champions League nomawi 3 leh La Liga nomawi 6 lai chawi hmanin, chawimawina dang pawh a dawng nual.

Source Sl

Related Posts

Leave a Reply

Your email address will not be published. Required fields are marked *

error: Content is protected !!