Neymar’an Chhetri, Pele leh Lionel Messi a hnaih zel e

Copa America pawh khelh tan tawh niin, Group B match Venezuela leh Brazil khelhah Brazil lamin 3-0 in hnehna an chang a nih kha. Venezuela leh Brazil match khelhah khan Neymar aia che tha an awm lo ti ila kan sawi sual awm love. Paris Saint-Germain superstar Neymar hian Venezuela lakah goal 1 khungin vawi 1 assist a nei bawk.

Venezuela laka goal a khung hnuin, Neymar chuan international goal 67 a khung tling a, India superstar Sunil Chhetri umphak nan goal 7 chiah a mamawh tawh a ni. Tunah hian Chhetri hian international goal 74 a khung mek.

Neymar hian Brazil tana goal khung tam ber Pele pawh a hnaih chhauh zel a, goal 10 chiah Pele khum tur hian a mamawh tawh a ni. Tunah hian Pele hian a ram Brazil tan goal 77 a khung a, Neymar hian a khum theih ngei a rinawm.

Active Player atanga international goal khung hnem top 5 te:

CRISTIANO RONALO (PORTUGAL) GOAL 104

ALI MABKHOUT (UAE) GOAL 75

SUNIL CHHETRI (INDIA) GOAL 74

LIONEL MESSI (ARGENTINA) GOAL 72

NEYMAR (BRAZIL) GOAL 67

goal

Related Posts

Leave a Reply

Your email address will not be published. Required fields are marked *

error: Content is protected !!