Neymar hian a career-ah Trophy engzat chiah nge a chawi tawh le?

Neymar hian a career-ah Paris Saint-Germain tan trophy chawi hnem tawh hle.

Kum 20 liamta chhung khan Cristiano Ronaldo leh Lionel Messi hi khawvel player tha ber anni ti ila kan sawi sual awm love, mahse, footballer pakhat anmahni hnaih taka awm a awm a, chu chu Brazilian star Neymar hi a ni.

Neymar hi Santosh youth product a ni a, kum 2009 khan Brazilian club tan hian senior proffesional game hmasa ber a khel tan a. Season 4 chhungin, Santos tan nomawi 5 lai a chawi hman a ni. Santos club tan match 177 ah inlanin, goal 107 lai mai a khung thei a, kha tihlaia Brazil player tha tak pakhat a ni.

2013 FIFA Confederations Cup-ah khan Brazil tan rawn fehchhuak vein hemi kum atang hian a ni, khawvelin a hriat tan. Brazil chuan Final ah World Champions Spain chu 3-0 lai maiin an hneh a nih kha. Neymar chuan Golden Ball Award a dawng nghe nghe.

Confederations Cup-ah an champion hnuin, Neymar chuan vawiin ni thlengin international trophy pakhat chiah ala chawi tihna a nih chu. Spanish club lian FC Barcelona chuan Neymar that zia an hriat rual khan, an club player manto ber ni turin an la lut nghal a. Spanish club lian Barcelona-ah hian Trophy 8 lai mai season 4 chhungin a chawi leh a ni, tah hian La Liga nomawi 2 leh Champions League nomawi 1 pawh a tel.

This image has an empty alt attribute; its file name is pssss-1024x683.jpg

Kum 2017 summer transfer lai khan Ligue 1 club lian Paris Saint-Germain lamin Barcelona atang khawvel player manto ber ni turin €222 million in an la lut leh a. French khawpuiah hian season 4 lai hun alo hmang leh ta reng mai, season 4 hun a hman chhungin nomawi 9 lai mai a chawi tawh a, Champions League nomawi pahnihna tur erawh ala chawi thei rih bik lo.

Engpawhnise Neymar’an a career-ah nomawi a chawi tawh te kan rawn tarlang ve leh ang nge.

Santosh tana Neymar trophy chawi tawh te

Campeonato Paulista nomawi 3 (2010, 2011, 2012)

Copa do Brasil nomawi 1 (2010)

Copa Libertadores 1 (2011)

Recopa Sudamericana 1 (2012)

Barcelona lama Neymar trophy chawi tawh te

La Liga nomawi 2 (2014/15, 2015/16)

Copa del Rey 3 (2014/15, 2015/16, 2016/17)

Supercopa de Espana nomawi 1 (2013)

UEFA Champions League nomawi 1 (2014/15)

FIFA Club World Cup nomawi 1 (2015)

Paris Saint-Germain tana Neymar nomawi chawi tawh

Ligue 1 nomawi 3 (2017/18, 2018/19, 2019/20)

Coupe de France nomawi 3 (2017/18, 2019/20, 2020/21)

Coupe de la Ligue nomawi 2 (2017/18, 2019/20)

Trophée des Champions nomawi 2 (2018, 2020)

Brazil tana Neymar nomawi chawi

FIFA Confederations Cup nomawi 1 (2013)

Source Goal

Related Posts

Leave a Reply

Your email address will not be published. Required fields are marked *

error: Content is protected !!