‘Neymar hi ka rokhawmtu ani’ – Ronaldinho

FC Barcelona superstar hlui Ronaldinho chuan Paris Saint-Germain superstar Neymar chu Brazil tana a lalna luah tu leh, a ro khawmtu a nih thu a sawi.

Neymar hian a ram Brazil tan major trophy a la chawi rih lova, Brazil in 2019 Copa America nomawi an chawi tumah khan Neymar erawh hliam a neih vangin a tel thei lo, 2021 Copa America final ah lut mahse, Argentina lakah nomawi a chan leh a ni.

Hetihlai hian Ronaldinho chuan a ram Brazil National Team tan FIFA World Cup nomawi, Copa America leh FIFA Confederations nomawi te a chawi tawh a ni.

Neymar hian Brazil tana goal khung hnem ber Pele Record neih chu a khum teuh tawh hle. Pele record khun turin goal 8 chiah khung a mamawh tawh a, Pele hian goal 77 lai ram tan a khung a ni.

Kum 29 a upa Neymar hian sawiseltu a nei nual, hetih laiin Ronaldinho chuan Brazil main star a nih thu a sawi.

“Rinhlelna awm lovin, Ka ro khawmtu a ni” tiin Ronaldinho chuan France Football a hrilh.

“Kan main player a nia, Brazilians idol a ni”

“A huasenna a hlauh lova, ball a khalh pui theihna a hlauh bawk hek lo. Field chhunga a chet dan vel chuan min ti hlim a ni” tiin a sawi bawk.

Source Sl

Related Posts

Leave a Reply

Your email address will not be published. Required fields are marked *

error: Content is protected !!