Mourinho’an AS Roma lama lut turin Man Utd player a duh

AS Roma boss thar Jose Mourinho chuan Manchester United striker Edinson Cavani chu a player duh zingah a telh niin report in an tarlang. AS Roma manager thar hian tun summer transfer-ah squad thuam that a tum a, Man Utd striker Edinson Cavani pawh hi a lak luh tur zingah a tel ve a ni.

CMIT TV show Calciomercato tarlan dan chuan Cavani leh Roma te hian inremna bul (basic agreement) an nei tawh niin a tarlang. Red Devils lamin hralhchhuah an tum tak tak a nih chuan Serie A lama kir leh mai pawh a inpeih reng niin an tarlang bawk.

Jose Mourinho hi englai pawha Edinson Cavani tan em em tu a ni reng a, mahse, a club enkawlna hnuaiah a la khel ngai lo. Portugues manager Mourinho’an Real Madrid leh Chelsea a enkawl lai atang tawh khan Cavani hi lak luh a tum thin tawh a, mahse, a la lut thei ngailo niin an sawi.

Edinson Cavani hian United tan sign tawh mahse, club lamin hralh chhuah an rilruk chuan chhuah mai a remti niin an sawi. Red Devils lam hian striker man atan €10 million an hauh dawn niin Transfers MUFC chuan a tarlang.

Edinson Cavani’an Manchester United-ah contract thar a sign

2020-21 season tha taka a hman avangin Manchester United chuan Edinson Cavani hnenah kumkhat dang contract an zawrh a. Thla hmasa khan Cavani hian contract thar a sign tawh a ni. Club dang atangin duhtu awm nual mahse, Old Trafford lama awm chhunzawm chu a tum thu a sawi a nih kha.

Season liamtaah khan Manchester United tan Edinson Cavani hian match 39 a khelh atangin goal 17 lai a khung tling a ni.

Source SL

Related Posts

Leave a Reply

Your email address will not be published. Required fields are marked *

error: Content is protected !!