‘Mourinho hi Serie A manager ban hmasak ber tur ani ang’

AS Roma coach Jose Mourinho chu Serie A season thara Manager ban hmasak ber a nih tur thu sawi a ni.

Kan hriat angin Portuguese tactician Jose Mourinho’an Inter Milan a enkawl hnuah a vawikhatna atan Serie A lamah a kir leh a, 2009/10 season-ah khan Inter Milan a enkawl a, a treble pui nghe nghe.

Jose Mourinho hi Premiere League club pathum lai maiin an lo ban tawh a, mi tamtak chuan a management leh tunlai generation hi a inmil thei tawhlo tiin an sawi thin.

MADRID, SPAIN – MAY 22: Head coach Jose Mourinho of Inter Milan celebrates his team’s victory at the end of during the UEFA Champions League Final match between FC Bayern Muenchen and Inter Milan at the Estadio Santiago Bernabeu on May 22, 2010 in Madrid, Spain. (Photo by Shaun Botterill/Getty Images)

Lazio manager hlui Delio Rossi pawhin a management leh tunlai football a inmil tawhlo tih chu a pawm pui a, 2021/22 season-a Serie A manager ban hmasak ber tur a nih thu a sawi a, Simone Inzaghi pawh a sawi tel bawk.

“Mourinho’an Rome lama a thawh tur hi ka hre thei nghal” tiin Rossi chuan TMW Radio a hrilh. He thu a sawi chhuah chhan chu tunge Serie A manager an ban hmasak ber tur tih zawhna an zawh vang a ni.

“Simone Inzaghi pawh hi ban hmasak ber tur zingah a tel, a chhan chu atan Inter Milan enkawl hi a awlsam dawn lo” tiin a sawi bawk.

2021/22 season ah chuan Jose Mourinho’an AS Roma a enkawl daawn a, an game hmasa tur atan Fiorentina chu Stadio Olimpico ah an hmachhawn dawn a ni.

Source SL

Related Posts

Leave a Reply

Your email address will not be published. Required fields are marked *

error: Content is protected !!