Mourinho – ‘C Ronaldo hi ka vua ang’

Roma manager thar Jose Mourinho chuan Real Madrid lama a player hlui C Ronaldo message a thawn.

Kan hriat angin Portuguese Coach Jose Mourinho chu Thursday khan Roma manager thar atan an nemnghet a nih kha. Roma hmalam hun tur leh project thar a neih ang te leh a squad tur chungchang an sawi chuak.

Kum 58 a upa Jose Mourinho hnenah, i awmna Italy lama C Ronaldo awm ve hian a ti hlauthawng che em tia an zawhna chhangin, amah hmachhawn zawngin football hi khel ta ila, a vuak tur thu fiamthuin a sawi.

“Hlauthawng love, A chhan chu centre back ah ka khel lo tlat” tiin Jose Mourinho chuan a sawi niin Goal in an tarlang.

“Centre back ah khel chu ni ila, ka vua ang. Mahse, tunah chuan duh angin ka tha tawh lova, amah hmachhawn zawnga khel tur chuan ka upa mah mah tawh.” Tiin a sawi bawk.

Jose Mourinho leh C Ronaldo hi kum 2010 atanga 2013 thleng khan Real Madrid lamah an awm dun tawh a, a hnu lawkah Jose Mourinho’an Spanish club lian hi a chhuahsan a ni.

Madrid lamah khan inngaih chang annei a, inhuat chang an nei bawk. Mahse, Mourinho hnuaiah C Ronaldo hi a che tha ang reng hle.

Jose Mourinho hnuaiah match 164 a khelh atang goal 168 lai a khung thei a, assist vawi 49 lai a nei tling bawk.

Source Sl

Related Posts

Leave a Reply

Your email address will not be published. Required fields are marked *

error: Content is protected !!